UBT organizoi ceremoni rasti për nder të Ditëve Franko-Gjermane

Me këtë rast, në temën „Marrëdhëniet Franko-Gjermane pas Luftës së Dytë Botërore si dhe rëndësia e Zyrës Franceze dhe Gjermane për të rinjtë“
ka ligjëruar Prof. Dr. Michel Cullin, nga Akademia Diplomatike në
Vjenë. Ligjërata e dr.Cullin solli një dimension të drejtpërdrejtë për
marrëdhëniet ndërkulturore mes dy shteteve, armike gjatë Luftës së Dytë
Botërore. Pas Lutës së Dytë Botërore ka qenë shumë vështirë të
zhvillohen marrëdhënie të reja në mes Francës dhe Gjermanisë. Për
popullin francez, i gjithë populli gjerman konsiderohej “nazist” dhe
përgjegjësia e përbashkët për nacionalizmin/socializmin ishte një ide
prezente në rrethin intelektual dhe politik të asaj kohe. Vetëm
disa personalitete, që i rezistuan Hitlerit, ishin pozitivë sa i përket
krijimit të lidhjeve të reja. Qëndrimi i tyre ishte se nuk mund të
pranonin të fajësohej një popull i tërë për krimet e bëra nga
udhëheqësi i tyre politik. Disa nga këto personalitete Franceze ishin
gjithashtu të nacionalitetit Gjerman, të cilët jetonin në Francë pas
vitit 1933. Ata kishin luftuar kundër Hitlerit në Francë dhe ishin
aktorët e vërtetë në procesin e pajtimit. Marrëdhëniet Franko Gjermane
sot nuk kanë nevojë për pajtim të mëtutjeshëm, por kanë nevojë për
kompetencë ndërkulturore. Zyra Franko Gjermane për të rinjë
(OFAJ) ka pasur rol esencial në zhvillimin e kompetencave
ndërkulturore. Prof. Dr. Cullin ishte shefi i OFAJ nga 1999 deri në
2003. Ai ka përkrahur një formë të re të edukimit ndërkulturor me anë
të edukimit/kujtesës, për të kuptuar elementet bazë të pajtimit
Franko-Gjerman.