Raul, kapiteni që merr për dore Realin!

Karriera e tij është jashtë çdo dyshimi. Ndikimi i tij në dekadën e fundit në zemrat e tifozëve madrilenë është i pakrahasueshëm me legjendat e tjera të Realit të Madridit. Shifrat flasin qartë. Raul gjithmonë është aty në të mirë e në të keq. Por, kritikat në kohët e fundit e kanë ndjekur nga pas. Janë të shumtë zërat kunër rendimentit të tij dhe është folur shumë nëse Raul është apo jo në fundin e karrierës së tij. Eshtë pothuajse 31 vjeç dhe askush nuk mund të vërë në diskutim futbollin dhe imzhin që po afron Raul në fubollin e sotëm modern. E padiskutueshme janë golat e tij, të cilët po bëhen më deçiziv se kurrë për skuadrën e Bernd Shusterit. Raul e konfirmoi një gjë të tillë edhe në ndeshjen përballë Santanderit të dielën, ku shënoi golin e parë për skuadrën e tij. Dueli në “El Sardinero” ishte shumë i rëndësishëm për çështjen e titullit kampion dhe në atë moment, Raul “nuk e la në blatë” skuadrën e tij, por arriti ta udhëhiqte drejt suksesit. Konkretisht, është goli i 17 i tij në këtë kampionat dhe goli i 291 me fanellën e Realit. Një më shumë se Santiljana dhe para tij është vetëm legjenda Di Stefano, me 316 gola. Aktualisht, Raul është golashënuesi i tretë më i mirë në Primera Division, pas gjendet prapa Luis Fabianos (23 gola) dhe Guizas (21). Në çdo ndeshje të këtij sezoni, kapiteni i Realit ka arritur të shfaqë cilësitë e tij më të mira, duke shënuar gola deçizivë për skuadrën dhe duke i dhënë madrilenëve pikë shumë të rëndësishme. Shifrat e tregojnë qartë këtë dhe sa herë që Raul shënon, Reali arrinë të marrë tri pikë. Përjashtim bën vetëm ndeshja përballë Valencias, ku golat e kapitenit nuk shërbyen për t’i dhënë fitoren skuadrës së tij. 17 gola në 14 ndeshje, që do të thotë 39 pikë nga 42 të mundshme. Gola në momente deçizive, si ato të shënuara përballë Atletiko së Madridit, Majorkës, Rekreativos Valencias e shumë skuadrave të tjera. Pas titullit kampion, objektivi i radhës për Raulin është rifitimi i një vendi në kombëtare, duke ditur se këtë verë do të zhvillohet Europiani në Austri dhe Zvicër. Raul gjithmonë ka bërë më të mirën e tij dhe gjithmonë është munduar të bind teknikun Aragones që ta thërrasë në kombëtare. Për momentin duket shumë e vështira që ëndrra e Raulit të realizohet, por ai nuk ka dëshirë të dorëzohet. “Do t’i shkojë deri në fund”, është premtimi i Raulit.