Këshillat që mbajnë gjallë pasionin dhe dëshirën seksuale

Intimiteti në çift për t'u realizuar plotësisht kërkon bashkëpunimin e
të dy partnereve. Për shkak të ndryshimeve fizike dhe biologjike
kënaqësia seksuale nuk përjetohet në të njëjtën mënyrë dhe në të
njëjtën kohë nga të dy partnerët. Për femrat kjo është më e vështirë,
sidomos në fillesat e marrëdhënies. Për këtë jepen një sërë këshillash
për të ndihmuar në shmangien e këtyre problemeve sado të vogla qofshin
që lindin në jetën në çift. Për të mbajtur gjallë pasionin dhe jetën e
plotë seksuale është e nevojshme që të bisedoni me partnerin/en tuaj
për çdo problem që ju shqetëson. Vetëm në këtë mënyrë do të mund të
"shëroheni" nga disa mendime që nuk do t'iu lejojnë të përjetoni
plotësisht raportin tuaj në çift.
1. Jepini kohë vetes
Seksi
nuk është një garë. As për një femër. Kulmi i eksitimit mund të vijë në
fund për një mashkull, ndërsa për femrat duhet që gjatë gjithë përvojës
të marrin kënaqësi që të arrijnë me të vërtetë pikën më kulmore të
epshit. Kështu që, nëse doni të bëni me të vërtetë përshtypje, merreni
me ngadalë. "Ndërroni marsh". Mendoni si një breshkë dhe jo si një
lepur.
2. Komunikoni
Të lidhesh fizikisht me një
femër, nuk u garanton seks të mirë. Intimiteti emocional do t'u vijë të
ndihmë të dyja palëve. Ndani dëshirat dhe fantazitë tuaja dhe jini të
ndershëm me ato çfarë u pëlqejnë dhe jo gjatë aktit. Sa më shumë të
diskutoni për seksin aq më i mirë do të bëhet. Mbi të gjitha dëgjojeni
partneren tuaj.
3. Bëhuni përgjegjës
Djem, edhe
pse kjo mund t'u duket e pabesueshme, por femrat nuk e pëlqejnë shumë
një mashkull i cili jep idenë e një mashtruesi. Organi juaj mashkullor
mund të jetë pjesa më sensuale e trupit, por përqendrimi vetëm në
nevojat tuaja dhe të sajat, do të bëjë që partnerja juaj të ndihet e
ftohtë dhe të mos të mendojë më për veten e saj.
4. Mos ndaloni
Nuk
është aspak një ide e mirë që të filloni të bëni seks, të arrini në
orgazëm dhe më pas të ndaloni. Herën tjetër merrni në konsideratë
situatën, duke u nisur nga këndvështrimi i saj. Femrat nuk kërcejnë
menjëherë në kulmin seksual, por duke bërë një rrugë të mbushur plot me
kënaqësi. Nëse doni të bëheni me të vërtetë mjeshtër në shtrat, mos e
shikoni orgazmën si pikën kulmore dhe më të rëndësishme të raportit
tuaj.
5. Kulmi i eksitimit
Këto që u thanë më
sipër nuk nënkuptojnë që një femër nuk dëshiron të arrijë në orgazëm,
por që nuk është e nevojshme që ajo të arrijë gjithmonë këtë pikë.
Shumë pak femra arrijnë në orgazëm vetëm në sajë të penetrimit në
vaginë të organit mashkullor. Kjo do të thotë se, në pjesën më të madhe
të rasteve femrat arrijnë të ndjejnë kulmin e kënaqësisë në sajë të
stimulimit (prekjes, puthjes dhe fërkimit) në klitor.
6. Nëse gjithçka tjetër dështon
Edhe
pse mungesa e orgazmës, shpesh nënkupton se keni përdorur teknikat e
gabuara, në fakt pas saj mund të qëndrojnë shumë arsye të tjera
serioze, si gjendja shëndetësore apo ajo psikologjike. Në këtë rast
duhet veçse t'i qëndroni sa më pranë partneres suaj dhe ta bëni të
ndjejë se edhe pse gjërat me seksin nuk po shkojnë ashtu si duhet, ju
vazhdoni ta dashuroni si në ditën e parë.

Sjellja e meshkujveEdhe pse duket sikur e
kanë bezdi dhe shpesh herë duhet t'iu luteni me ditë për rubinetet,
kanatat e dollapëve, suvanë e tavanit, që ata më në fund pas shumë
kundërshtimesh, shtytjesh e harresash të nisin punën. Por kjo zvarritje
nuk është asgjë më shumë se një lojë fëmijësh, që atyre u pëlqen. Sepse
në të vërtetë ata e kanë me qejf rregullimin e gjërave. I bën të ndihen
mirë kur nga duart e tyre rregullohet diçka, që pa këtë ndërhyrje do
mbetej e prishur përgjithmonë. Por qëllimi pse nuk e thonë kurrë këtë
është se gratë, sipas tyre, nuk e bëjnë dot ndryshimin ndërmjet të
rregulluarit e një rubineti me derdhjen plehrave, duke i quajtur të
dyja detyra të meshkujve, që duhet t'i kryejnë në fundjavë, pak a shumë
në kohën kur ka nisur ndonjë ndeshje futbolli apo garë makinash. Por
ata e duan atë lutjen e partneres të përsëritur, inatin dhe zbutjen pas
pak minutash, ndonjë kompliment të thënë shkarazi.

Justifikimet dhe zënkatÇdo vajzë kur ka qenë
adoleshente, ka parë sesi i dashuri moshatar apo pak vite më i madh,
sigurisht që ishte shumë i lumtur që kishte në krahë një vajzë
simpatike, të zgjuar, të ëmbël, që dukej shumë mirë me ato veshjet e
thjeshta sa herë hynte në shkollë. Po ja që një ditë me siguri ka
kaluar një nga to vajzat super-seksi të qytetit dhe ai nuk e ka pasur
problem të kthente kokën dhe t'iu linte me minuta të tëra përballë atij
spektakli të pakëndshëm. Dhe këtu fillojnë xhelozitë dhe zënkat e para.
Por vjen një kohë në jetën e çdo mashkulli kur ai zbulon dobinë që ka
fshehja e një pjese të madhe të impulseve të tij. Ai nis gati të mësojë
përmendësh ato kotësitë dhe justifikimet e vogla që femrat edhe pse i
kuptojnë, kanë aq qejf t'i dëgjojnë. Dhe në fakt kjo për ta nuk është
një gënjeshtër e pacipë, kjo është thjesht një mënyrë për t'i bërë
gjërat më të lehta.

Vendimet e rëndësishmeMund të ketë ndodhur
që disa prej tyre vendimin më të rëndësishëm në jetë për sa i përket
martesës së tyre e kanë marrë pas një çasti reflektimi, larg syve të
vajzës që duan apo përkëdheljeve e të saj. Ndoshta shtrirë në bordin e
një varke që vozit në ujërat e një deti, ku ajo nuk e ka ndaluar të
shkojë, apo në një kasolle në mal, ku ajo sërish nuk është treguar
dyshuese para se t'i uronte të bënte qejf. Ata e dinë se kjo i kushton
një femre dhe e vlerësojnë. Kjo është gjëja më e rëndësishme që një
mashkull nuk e thotë kurrë: në rast se e lejon të kalojë një natë me
shoqërinë, të harrohet në një mbrëmje pokeri, të shkojë për peshk ose
për vozitje vetëm, nuk do ta harrojë kurrë dhe do ta vlerësojë më tepër
se ç'pandehin femrat. Dhe rrallë do dojë të lërë vetëm një partnere të
tillë. Kjo është e vërteta. Por meshkujt do të donin të ishin gjithmonë
25 vjeç dhe nganjëherë nuk e kanë mendjen kur femrat flasin për
probleme që atyre nuk i zgjojnë shumë interes.