Me dy blerje, jemi për titull!”

Bufon “duatroket” sezonin fantastik të deritanishëm të Juves: “Kemi qenë të mrekullueshëm, por shpeshherë mjaftohemi dhe kënaqemi me rolin e planprishësve, duke flakur pikë të rëndësishme me ekipet e vogla”



Të qenurit juventin, për të, është një nder dhe krenari, edhe pse në verën e vitit 2006�të, kur “dezertimet” në selinë e klubit bardhezi nisën me proçesin e “Calciopoli”�t, Xhanluixhi Bufon, ashtu si shokët e tij, Kanavaro, Turam, Vieira, Ibrahimoviç, Mutu, Zambrota dhe Emerson, mendoi largimin nga “Zonja”, por pasi reflektoi gjatë, doli në një përfundim: nuk ka asgjë të keqe nëse luan një vit në Serinë B dhe të paktën nuk tradhëton ekipin e zemrës, që të ka bërë të fitosh shumë me fanellën e tij. Juventusi është një familje dhe qëndrimi i kampionit të botës e vërtetoi këtë. Sot, SuperXhixhi jo vetëm që vazhdon të mbrojë portën e “Zonjës”, por ka rinovuar edhe për 4 vjet të tjera. Në intervistën e dhënë për “La Stampa”, Bufon ka folur për sezonin në vijim, duke analizuar kampionatin e skuadrës së tij, duke e nisur me suksesin ndaj kampionëve të Italisë.



� Xhixhi Bufon, përgëzime për fitoren në “San Siro” dhe për atë ndaj Romës. Për të mos harruar këtu se me klubet e elitës nuk keni asnjë humbje. Juventusi është ende një “gjigant” i Italisë: a besoni se nëse do të kishin qenë më të vendosur, ndoshta tani do të ishit ju ndjekje të Interit, në luftën për titull?

� Problemi është që kemi flakur shumë pikë me skuadrat e ashtuquajtura të vogla, ndryshe do të ishim më lart në klasifikim ose të ngjitur me Romën. Do të kishim mundësinë e “sprintit” final. Në fakt, ky është një pishman i madh për ambjentin tonë.

� Si e shpjegoi këtë “transformim”?

� Ndoshta, teknikisht, nuk jemi në lartësinë e Interit dhe Romës, por kemi karakter dhe ADN�në nuk e kemi humbur në këto vite: karakteri dhe forca e mentalitetit del ë pah në ndeshjet prestigjoze, ashtu si ajo në Milano, ndaj zikaltrit. Kjo është diferenca, ashtu si ishte për Italinë në Botërorin e Gjermanisë.

� A mendoni se është vonë tani për të menduar për kampionatin?

� Jemi dhjetë pikë prapa, ndaj nuk mund të bëjmë asgjë për të sulmuar titullin: sigurisht, kemi rihapur luftën, por jo tonën, por atë të Romës dhe Interit. Ne kënaqemi me rolin e planprishësve.

� Cili është sinjali që keni marrë nga suksesi me zikaltrit?

� Një sinjal i fortë dhe, e përsëris, karakteri. Objektivi është që ta mbyllim sa më kirë këtë sezon: kanë mbetur edhe tetë javë dhe duhet të japim maksimumim, duke grumbulluar 18 ose 19 pikë. � � � � A do të mjaftojnë për t’i tërhequr Romës vendin e dytë? Nuk besoj, sepse më duket një arritje shumë e vështirë.

� Pra, do të bashkëjetoni me atë që ju quani “pishman të vogël”?

� Ajo që po bëjmë është fantastike dhe nuk duhet ta harrojmë. Unë mbaj mend se çfarë mendonin të tjerët për ne në fillim: kush ishte një tifoz i yni, kur flitej për Juven, niste dhe qeshte dhe pohonte se nuk do të mbërrinim as në vend të katërt. Koha po dëshmon të kundërtën, që jemi një skuadër e lindur për të fituar.

� Kjo eufori mund të jetë një dozë besimi për Juven. Mjafton të ndryshohet diçka vitin e ardhshëm? Si mendoni?

� Nëse duam të synojmë titullin, mund të mjaftojnë disa lojtarë, ata të duhurit dhe të zotët. Plus edhe ndonjë i ri. Pra, me dy blerje të rëndësishme. Por, nëse duam edhe Europën dhe Italinë, atëherë duhet më shumë.