Endrrat e mia do t’i realizoj tek Milani”

Në një intervistë për “El Mundo”�n, Kaka foli për jetën e tij dhe zërat e largimit nga “San Siro”

“Nuk kisha ndonjë preferencë të veçantë përpara se të vija në Europë, por tani mendoj se jam në vendin e duhur për të fituar shumë tituj”



Në “Milanello” flitet me zë të ulët, me durim dhe me një distancë që e imponon mirësjellja, karakteristike në të gjithë veriun e Italisë. Milani është eliminuar nga Champions League dhe nuk ka shanse për të fituar kampionatin, por në fushën e vendosur midis pyjeve të Lombardisë, kuqezinjtë vazhdojnë të stërviten si një skuadër e madhe, diçka që mund të shihet edhe në detajet më të imta. Kaka është pa dyshim ylli më i madh i Milanit, por edhe një shembull jetese. Një besimtar i devotshëm evangjelist, i cili këmbëngul se ruajti virgjërinë deri në ditën e martesës dhe lutet rregullisht çdo ditë. I lindur në Brasilia, Kaka u rrit në një Brazil të ngjashëm nga ai që njohim si Brazili tipik dhe mori një edukim të denjë për fëmijë diplomatesh. I kontaktuar nga e përditshmja spanjolle “El Mundo”, Kaka mbërrin në takim në orarin korekt dhe flet për detajet e jetës e karrierës së tij sportive.



� Kaka, me të gjithë respektin, nuk ngjasoni shumë me një futbollist brazilian?

� Kjo është sepse një futbollist brazilian tipik vjen nga lagjet e varfëra, ka qenë i detyruar t’i dedikohet vetëm sportit dhe ka krijuar shansin e tij të vetëm në jetë me futbollin. Në rastin tim, falë Zotit dhe prindërve të mi, unë dhe vëllai im mundëm të studionim, patëm akses ndaj një formimi të denjë. Me këtë bazë, së bashku me dhuntinë që Zoti më ka dhënë, arrita të shndërrohesha një futbollist profesionist. (Zoti është një fjalë që do të përsëritet shumë gjatë intervistës me Kakanë).

� Banoni në Milano, në qytetin e modës dhe të jetës së shfrenuar. Si arrini që t’i shmangeni tundimeve?

� Mua më pëlqen të lexoj biblën, të flas për zotin dhe për të gjithë atë që ndiej e jetoj, si vlerat e dashurisë, të besnikërisë. E di që këto vlera sot nuk respektohen shumë, sepse shumica mendojnë për para dhe femra, por unë preferoj të jem besnik ndaj asaj që besoj si të drejtë. Unë dua të jem vetvetja dhe nuk e kam shumë të vështirë ta bëj këtë.

� Kaka, ju jeni një besimtar i devotshëm dhe shkoni rregullisht në kishë. Respektoni ritet, luteni çdo ditë dhe keni deklaruar se u martuat i virgjër me gruan tuaj, Karolinën.

� E di që të martohesh duke qenë i virgjër është diçka shumë e rrallë sot dhe shumë e çuditshme për shumë njerëz, por ishte kjo ajo që unë doja dhe është pjesë e atyre rregullave morale që unë preferoj të besoj.

� Një vit më parë, kur Milani fitoi Champions, shkuat në qëndrën e fushës dhe falenderuat Zotin. Pasi fituat Botërorin e Klubeve në Japoni zbuluat një fanellë me thënien: “në i përkas Jezusit”. A është e vështirë të bashkëjetoni me fenë kur konsideroni si futbollisti më seksi në Brazil, në një vend i zhytur në korrupsion, dhunë dhe tundime që prekin edhe sportin?

� Për mua, sporti është një bashkësi vleras pozitive, si shëndeti dhe disiplina. Eshtë e vërtetë që në botën e sotme kjo nuk është në çdo rast e vërtetë. Ka shumë doping apo profesionistë që kanë vese të këqija. Megjithatë, unë besoj se sporti është një bashkësi vlerash pozitive dhe do të vazhdojë të mbetet i tillë në çdo rast.

� Fituat Topin e Artë. E konsideroni veten si futbollistin më të mirë në botë?

� Zilia është një mëkat edhe në futboll. Arsyeja e parë përse fitova titullin lidhet me skuadrën. Në radhë të parë luan ekipi, pastaj është talenti vetiak.

� Kaka, cili është mendimi juaj për situatën e Ronaldos dhe Ronaldinjos?

� Me Ronin flasim vazhdimisht në telefon, por jo për futbollin, pasi kjo do të ishte e rëndë për të në këtë moment. Përsa i përket Ronaldinjos, problemi i tij është që mësoi tifozët me diçka të jashtëzakonshme në çdo ndeshje që luan thjesht mirë i bëhen vetëm kritika.

� Çfarë është Brazili dhe Milani përsa i përket futbollit? Si bashkohen këto koncepte në lojën tuaj?

� Brazili është kënaqësia e të luajturit ndërsa Seria A, taktika. Kjo është arsyeja përse në lojën time përpiqem të gërshetoj strategjinë me fantazinë. Tek Milani i njoh të gjitha detajet, e di se si e dëshiron topin secili prej shokëve të skuadrës. Në kombëtare është më e vështirë të përshtatesh për shkak të mungesës së kohës, por për çdo profesionist, të luajë me vendin e tij është një emocion i pazëvendësueshëm.

� Gjatë këtij viti të vështirë tek Milani, asnjëherë nuk keni menduar për të kaluar në ndonjë skuadër tjetër?

� Objektivi im është të përsëris vitin 2007 dhe t’i afrohem futbollistëve si Krujf dhe Van Basteni me nga tre Topa të Artë të fituar. Ky është objektivi im dhe e di që me Milanin mund t’ia dal mbanë sepse kjo skuadër luan gjithmonë për të fituar”.