Askush më nuk është i sigurt nga hakerët kinezë

Askush më nuk është i sigurt nga hakerët kinezë




Pothuajse secili pronar i një hapësire të uebit ka frikë nga hakerët
dashakeq, sepse sikur që do të mund të rrëzonin faqen personale të
dikujt, të dedikuar për kafshën e tij shtëpiake dhe sjelljet e saj,
vandalët e tillë të uebit mund të bëjnë shumë dëme në faqet e
organizatave dhe institucioneve botërore siç është Pentagoni.
Rrjeti televiziv amerikan CNN ka publikuar një intervistë me gjoja tre
nga hakerët më famëkeq kinez. “Asnjë hapësirë e uebit nuk është qind
për qind e sigurt. Ekzistojnë shumë faqe interneti me nivel të lartë të
sigurisë, mirëpo gjithmonë ekziston ndonjë lëshim sigurie”, ka
deklaruar Xiao Chen, udhëheqës i treshes së hakerëve kinezë të cilët
kanë biseduar me gazetarin e CNN-it, identiteti i vërtetë i të cilit
nuk është bërë publik.

Hakerët në mbarë botën operojnë në mënyrë të pavarur, mirëpo siç
pohojnë treshja e intervistuar, grupin e tyre nganjëherë në mënyrë të
fshehtë e paguan qeveria kineze, e krejt kjo për të depërtuar brenda
faqeve të internetit të institucioneve amerikane siç është Pentagoni.

Në CNN pos identitetit të treshes kineze kanë vendosur të mos
publikojnë edhe faqet zyrtare të këtij grupi të hakerëve, e cila sipas
tyre numëron 10.000 anëtarë të regjistruar. Treshja në faqet e veta
ofron vegla të shumta, lajme dhe udhëzues video që kanë lidhje me
hakerët