Diplomojnë studentët e studimeve Bachelor në Menaxhment, Biznes e Ekonomi dhe Shkenca Kompjuterike e Inxhinierike

Prishtinë, 22 nëntor.-
Universiteti për Biznes dhe Teknologji ka shënuar edhe një të arritur
të madhe në punën e tij të suksesshme drejt bartjes te studentët
kosovarë përvojat e programeve më të avancuara të studimeve
bashkëkohore nga universitetet dhe institucionet prestigjioze në botë. Në
një ceremoni madhështore të diplomimit të organizuar në Sallën e Kuqe
të Pallatit të Rinisë dhe Sporteve në Prishtinë diplomat për mbarimin e
studimeve Bachelor i kanë marrë studentët e gjeneratës së parë të
drejtimeve Menaxhment, Biznes e Ekonomi dhe ata të Shkencave Kompjuterike e Inxhinierike.Në
ceremoninë, të cilën e nderuan me pjesëmarrjen e tyre studentë të
UBT-së, profesorë vendorë e ndërkombëtarë, prindër e përfaqësues të
institucioneve vendore e ndërkombëtare, drejtues të universitetit dhe
përfaqësues të institucioneve e vetë studentët vunë në pah arritjet e
mëdha të shënuara gjatë kohës së studimeve, dhe sidomos përparësitë që
sjellin programet dhe profesorët ndërkombëtarë, një përvojë që nuk mund
të fitohet në asnjë institucion tjetër të arsimit të lartë në Kosovë.Rektori
i UBT-së, Prof. dr. Edmond Hajrizi, në fjalën e tij hyrëse, përshëndeti
të gjithë të pranishmit për pjesëmarrjen në këtë ceremoni mjaft të
rëndësishme të diplomimit, e në veçanti përshëndeti prindërit e
studentëve që kanë kontribuuar më së shumti për shkollimin e fëmijëve
të tyre. “Kjo
ceremoni është si rezultat i një pune disavjeçare dhe i një përkushtimi
mjaft të madh të të gjithëve. Ky është fillimi i një jete të re për ju,
ku me njohuritë që i keni fituar në këtë universitet janë të
mjaftueshme për arritjen e sukseseve në fushat e biznesit, ekonomisë
dhe të shkencave kompjuterike”, tha Prof. dr.Hajrizi duke iu drejtuar
studentëve.Më
tej, z.Hajrizi theksoi se programet që i ofron UBT janë marrë nga
teoria dhe praktika më e mirë botërore, në më shumë se 50 fakultete të
ndryshme botërore, dhe nga përvoja e shumë universiteteve të njohura
botërore.Një
fjalë rasti në këtë ceremoni diplomimi e ka mbajtur edhe drejtoresha e
Odës Ekonomike Amerikane, Mimoza Kusari-Lila. Fillimisht ajo uroi
studentët për aktin madhor të diplomimit, duke e quajtur këtë një ditë
shumë të rëndësishme për ta dhe duke ua përkujtuar se prej këtij
momenti për ta hapen shtigje të reja në jetë dhe në rrugën e dijes.“Gjenerata
e juaj dhe gjeneratat tjera që do të vijnë pas jush do ta kenë mbi vete
peshën e ndërtimit dhe të forcimit të një shoqërie të tërë”, tha zonja
Kusari-Lila.Duke
folur në vazhdim ajo tha: “Ju keni pasur fatin të studioni në njërin
nga universitetet më të mira dhe më të suksesshme në Kosovë, dhe
gjithashtu me drejtimet që ju keni zgjedhur ju mund të bëni mjaft shumë
për Kosovën dhe për ekonominë e saj”.Ndërsa,
kryetari i Odës Ekonomike të Kosovës, Besim Beqaj, duke përgëzuar të
porsadiplomuarit, tha se kjo është një ditë e veçantë dhe një nga ditët
më të rëndësishme të jetës së tyre. Beqaj
tha më tej ekonomia e Kosovës është duke kaluar në një fazë shumë të
vështirë, dhe në momente shumë të vështira, andaj Kosova ka nevojë për
njerëz dhe për kuadro të mira dhe të suksesshme që do të mund ta
ngritin dhe ta zhvillojnë ekonominë e saj. Duke
iu drejtuar studentëve, Beqaj tha se njohuritë mjaft të mëdha si në
fushën e ekonomisë dhe të marketingun si dhe në fushat e shkencave
kompjuterike, që ju i keni fituar, duke u bazuar edhe në përvojat e
universiteteve më të rëndësishme botërore, bëjnë që ju të jeni një e
ardhme e sigurt për Kosovën. UBT-ja
ju bën shumë të suksesshëm dhe ju bën mjaft konkurrent edhe në tregun e
punës jo vetëm në Kosovë, por edhe në të gjitha vendet e tjera të
botës, tha Besim Beqaj.Ceremonia e diplomimit u përcoll dhe me program artistik dhe me ndarjen e gëzimit me kolegët e familjarët.

» Rrjetat Kompjuterike