Ditë e shënuar për Arkitekturën në Kosovë

Në UBT-në filluan studimet Master në Arkitekturë, Planifikim Hapësinor dhe Menaxhim të Projekteve Ndërtimore Pas
një angazhimi dhe koordinimi të gjithanshëm, më 09/11/2007, në
Universitetin për Biznes dhe Teknologji (UBT), në kuadër të
Departamentit të Arkitekturës dhe Planifikimit Hapësinor, u shënua
promovimi i fillimit të studimeve Master në lëmin e Arkitekturës,
program ky që ofrohet për herë të parë në Kosovë. Programi
i studimeve Master për Arkitekturë, Planifikim Hapësinor dhe Menaxhim
të Projekteve Ndërtimore u dedikohet nevojave të zhvillimit të
shoqërisë kosovare, duke iu mundësuar kandidatëve të regjistruar të
marrin njohuri të avancuara profesionale, si dhe të njihen me
eksperiencat më të mira nga ekspertët e përzgjedhur për ligjërim, të
cilët kryesisht vijnë nga Austria.Në
ceremoninë e fillimit të studimeve dhe sqarimit të programit, përveç
kandidatëve të regjistruar, morën pjesë edhe Prof. Dr. Edmond Hajrizi,
President i UBT-së, Dr.Thomas Hrabal, drejtor i programit, dhe MSc.
Ing. Binak Beqaj, koordinator i Departamentit të Arkitekturës dhe
Planifikimit Hapësinor në UBT, të cilët iu dëshiruan suksese gjatë
studimeve në UBT kandidateve të regjistruar.