Hashim Thaçi debaton për statusin e Kosovës me studentët e UBT-së

Prishtinë, 24 tetor. - Hashim
Thaçi, kryetar i Partisë Demokratike të Kosovës (PDK) ka qenë mysafiri
i radhës i studentëve të Universitetit për Biznes dhe Teknologji (UBT)
në Prishtinë, në debatin e organizuar nga Fakulteti për drejtësi,
shkenca politike dhe diplomaci i këtij universiteti.I
kthyer një ditë më herët nga dy takime të rëndësishme, njëri në Paris e
tjetri në Vjenë, ku Ekipi Negociator i Kosovës pati takimin e radhës të
diskutimeve për statusin e vendit me Treshen e Grupit të Kontaktit dhe
delegacionin e Beogradit, Hashim Thaçi është shprehur se nuk beson se
ndërmjet Kosovës dhe Serbisë do të ketë komkpromis për të ardhmen e
vendit tonë. Nuk
i kam besuar kurrë kompromisit me Serbinë për të ardhmen e Kosovës dhe
nuk i besoj as sot, ka thënë Thaçi, duke theksuar në vijim se raportet
e Kosovës me Serbinë duhet të jenë specifike. “Serbia ka ardhur në
Kosovë dhunshëm dhe para se të largohet ajo ka ushtruar gjenocid mbi
popullatën e Kosovës”, tha Thaçi, në debatin e emëruar “Statusi final i
Kosovës: Çka pas 10 dhjetorit”?Ndërlidhur
me procesin e takimeve për të ardhmen e vendit, Thaçi tha se nuk është
duke u biseduar për statusin e ardhshëm të Kosovës, por janë duke u
këmbyer ide se si do të funksionojë Kosova si shtet.Për
më shumë ai i ka quajtur këtë takime jo të dobishme, dhe me të cilat
nuk ka pasur nevojë të ballafaqohemi, për shkak se bashkësia
ndërkombëtare është dashur ta njohë qysh atëherë realitetin e krijuar
në Kosovë në vitin 1999.Thaçi
tha se Kosova ishte e gatshme që të funksionojë si shtet qysh para tetë
vjetësh, duke përmendur si dëshmi për këtë praninë civile e ushtarake
ndërkombëtare në vend, mbajtjen e katër palë zgjedhjeve, pastaj
krijimin e institucioneve të vendit etj. Ka
dy vjet që po mbahen takime në të cilat ne kemi dhënë ofertën tonë më
të mirë të mundshme për Kosovën si shtet dhe kemi pranuar parimet e
Grupit të Kontaktit. Fokusi ynë kryesor është te ajo se si te
zyrtarizohet shteti i Kosovës me kufij të garantuar, vijoi ai.Ai
ka thënë në vijim se do të mbahen edhe dy-tri takime deri në fund të
procesit të negociatave shtesë, deri më 10 dhjetor, ditë kur Treshja
negociatore ia dorëzon raportin Sekretarit të Përgjithshëm të OKB-së.Më tej, Thaçi është shprehur i sigurt se pavarësia e vendit do të vijë pas 10 dhjetorit. “Ditën
kur do të dërgohet raporti i Treshes te Sekretari i Përgjithshëm i
OKB-së, do të ketë nevojë për disa konsulta dhe menjëherë institucionet
e Kosovës do të marrin vendime të rëndësishme për shtetin e Kosovës.
Nuk dëshiroj të flas për minuta, orë, javë apo muaj kur do ta kemi
pavarësinë, por ju siguroj dhe garantoj se pavarësia do të ndodhë pas
10 dhjetorit”, tha Hashim Thaçi.Në
fund, z.Thaçi është shprehur i bindur se nuk do të ketë pengesa për
pavarësinë e vendit pas përfundimit të afatit të bisedimeve shtesë. Ai
tha se pala kosovare ka premtime se pas 10 dhjetorit Rusia do të
ndryshojë qasjen e saj penguese për statusin e Kosovës, qasje të cilën
e ka mbajtur deri tash. “Është e qartë se Rusia nuk do ta
mbështesë pavarësinë, por atë do ta mbështesin shtetet demokratike dhe
të civilizuara”, tha ndër të tjera në debatin e organizuar me studentët
e UBT-së, kryetari i PDK-së, Hashim Thaçi.