Në Universitetin për Biznes dhe Teknologji u promovua libri “Menaxhimi urban” i autorit Binak Beqaj

Prishtinë, 3 tetor. –
Sot në ambientet e Universitetit për Biznes dhe Teknologji u bë
promovimi i librit “Menaxhimi urban”, i autorit Msc.Ing. Binak Beqaj,
koordinator dhe ligjërues në Fakultetin e Arkitekturës dhe Planifikimit
Hapësinor në UBT.Libri
Menaxhimi urban” (Me fokus zhvillimet nga Kosova) është botuar nga UBT
dhe Shtëpia Botuese “Focus” dhe është bazuar në punën
hulumtuese-shkencore dhe prezanton zhvillimet në Kosovë në kontekst të
zhvillimeve ndërkombëtare, konceptet bashkëkohore të menaxhimit të
zhvillimeve urbane, si dhe sugjerimet për një qeverisje më të mirë.Duke
folur për librin, rektori i UBT-së, Prof. Dr. Edmond Hajrizi ka çmuar
lart punën e autorit në shtjellimin e problemeve shumë akute në Kosovë
në fushën që shtjellon. Ai po kështu ka theksuar se libri do të jetë
një materie e mirë për studentët e kësaj fushe, duke treguar gjithashtu
kujdesin që UBT tregon për studentët dhe duke paralajmëruar edhe botime
të tjera në funksion të pasurimit të literaturës për studentë.Për
librin ka folur edhe Prof. Dr.Thomas Hrabal, recensent i librit dhe
profesor në UBT. Duke qenë drejtues i Arkitekturës dhe Planifikimit
Hapësinor në Prof. Dr. Thomas Hrabal ka folur për punën e madhe që
bëhet në këtë degë, në të cilën është duke i zhvilluar studimet
gjenerata e tretë e studentëve dhe gjenerata e parë në magjistraturë.
Ai tha se libri i autorit Beqaj paraqet një studim të mirë të fushës së
menaxhimit urban.Autori
i librit, Binak Beqaj, duke folur me këtë rast, ka theksuar se shtytje
për hulumtime në fushën e menaxhimit urban ka qenë mungesa e
literaturës në gjuhën shqipe në fushën e arkitekturës. Ai ka shfaqur
shpresën se ky libër do t’u hyjë në punë studentëve dhe ekspertëve të
kësaj lëmie.Beqaj gjithashtu ka falënderuar UBT-në për përkrahjen e pakursyeshme gjatë mbledhjes së materies dhe finalizimit të librit.