Studentët e Arkitekturës të UBT në vizitë studimore në Vjenë

Studentët
e Departamentit të Arkitekturës të Universitetit për Biznes dhe
Teknologji (UBT) kanë zhvilluar një vizitë studimore në Universitetin
Teknik të Vjenës.Sipas
koordinatorit të Departamentit të Arkitekturës në UBT, msc.ing. Binak
Beqaj, studentët gjatë vizitës njëjavore në Vjenë kanë vizituar
objektet me vlera historike dhe arkitektonike të periudhave të ndryshme
kohore dhe me stile të ndryshme të ndërtimitAta, po kështu, kanë vizituar edhe kompani të ndryshme projektuese dhe ndërtimore.Gjithashtu,
studentët kanë shkëmbyer përvoja me studentë dhe profesorë të
Universitetit të Vjenës, duke u njoftuar me konceptet e studimit dhe
strukturën e organizimit të Universitetit të Vjenës.UBT,
që përveç licencës nga MASHT, është i akredituar edhe nga Ministria e
Arsimit e Austrisë, ka një bashkëpunim të veçantë me Universitetin e
Vjenës, profesorë të të cilit ligjërojnë në UBT, ndërsa që rëndësi e
veçantë i kushtohet vizitave studimore, ku studentët nga Kosova kanë
mundësi të njihen me përvojat evropiane të studimit.