Studentët e UBT-së paraqesin planet e tyre të biznesit

Në
një ceremoni organizuar në Universitetin për Biznes dhe Teknologji janë
prezantuar biznes-planet, punime të studentëve të këtij universiteti,
në kuadër të projektit të organizuar në bashkëpunim me Universitetin e
Vjenës, me të cilin ky universitet kosovar ka bashkëpunim dhe
partneritet afatgjatë.Kanë
qenë gjithsej gjashtë punime, nga të cilat një komision i përbërë nga
përfaqësues të Universitetit të Vjenës, përfaqësues të bankave dhe
auditorë të pavarur kanë përzgjedhur tri punime, të cilat janë
stimuluar edhe me shpërblime financiare.Për
idenë dhe realizimin e këtyre biznes-planeve ka folur rektori i UBT-së,
dr. Edmond Hajrizi, ndërsa prezantimin e punimeve e kanë bëtë vetë
studentët nën udhëheqjen e profesorit Ergebert Selenko.Paraprakisht,
Naser Greiçevci, udhëheqës i Agjencisë për përkrahjen e ndërmarrjeve të
vegla dhe të mesme, që funksionon në kuadër të Ministrisë së tregtisë
dhe Industrisë, ka folur për punën e kësaj agjencie, e cila, sipas tij,
synim parësor ka zvogëlimin e ndërmarrjeve tregtare, duke shtuar numrin
e ndërmarrjeve prodhuese. Në
këtë kontekst ai ka përmendur një varg projektesh, në disa komuna të
Kosovës, të cilat pritet të ndikojnë pikërisht në shtimin e
ndërmarrjeve prodhuese, me çka mundësohet edhe rritja e numrit të të
punësuarve.Pas
prezantimit të biznes-planeve, në prani të familjarëve, studentëve,
profesorëve dhe mysafirëve të tjerë, u dhanë edhe rezultatet e
vlerësimit, sipas të cilave me çmim të parë u nderuar studentët që kanë
punuar biznes-planin për menaxhimin e mbeturinave, me çmim të dytë
biznes-plani për fabrikën për prodhimin e dritareve dhe dyerve nga
plastike, ndërsa në vendin e tretë u rendit biznes-plani për fabrikën
për prodhimin e parketit.Prindër,
përfaqësues të biznesit, profesorë dhe studentë që morën pjesë në këtë
prezantim çmuan lart punën e bërë nga studentët, një punë dhe praktikë
që pothuaj rrallë mund të haset në institucione të ngjashme.

» Diarra ne Planet e Juventusit