Më shumë se 160 milionë ueb-faqe në internet

Më shumë se 160 milionë ueb-faqe në internet



Në muajin mars të këtij viti në internet janë regjistruar rreth 163 milionë ueb-faqe, respektivisht 4.5 milionë më shumë se një muaj më herët, thuhet në një analizë të internetit të realizuar nga kompania Netcraft.
Kjo rritje e shpejtë, sipas Netcraftit, shpjegohet me popullaritetin e shtuar të shërbimit blog dhe të shërbimeve shoqërore online. Për shembull, në bllogjet e Google-t, numri i ueb-faqeve personale, brenda vetëm një muaji, është shtuar për 842.000, ndërsa në rrjetin e shoqërimit “MySpace”, 200.000 sosh.

Serveri më i popullarizuar, sipas statistikave të Netcraftit, mbetet “Apache”, që përfshinë mbi 50% të ueb-faqeve botërore. Vendi i dytë për nga shtrirja i takon Microsoftit, që merr pjesë me 35% në tregun e serverëve (57.7 milionë ueb-faqe), ndërsa pason Google, me 5.5 % (9 milionë ueb-faqe), Lighttpd me 0.95% (1.5 mln. faqe) dhe Sun, me 0.34, respektivisht (550.000 ueb-faqe).