FENERBAHCE SHËNON FITORE HISTORIKE KUNDËR CHELSEA-s

Mijëra tifozë të klubit të famshëm turk, Fenerbahce, kanë vërshuar rrugët e Stambollit pas fitores historike të skuadrës kundër Chelsea-s në ndeshjen e parë çerekfinale të Ligës së Kampionëve me rezultat 2:1. Menaxheri i të kaltërve nga Londra, AVRAM GRANT, pas ndeshjes tha:

"Jemi vendës pas një jave dhe duhet të fitojmë, edhe pse Fenerbahce është skuadër shumë e mirë. Them që rezultati nuk është i mirë, por as i keq nuk është. E pranojmë se jemi mjaft të dëshpëruar”, tha Grant në fund.

Në anën tjetër menaxheri i gjigantit turk ARTUR ZICO deklaroi:

Pjesa e parë nuk ishte në nivel, ngase i mundësuam kundërshtarit të shetit topin më tepër se sa që duhej. Chelsea është skuadër e fortë dhe po të lejonim edhe në pjesën e dytë që ata të luanin më tepër me top do të na fundosnin. Në pjesën e dytë gjithçka ndryshoi. Ne ishim ata që kontrolluam topin dhe ditëm të fitojmë ndeshjen. E di se njerëzit që e kanë përcjellë ndeshjen kurrë nuk kanë mundur të besojnë se ne do të rikthehemi në lojë, por u rikthyem dhe me meritë fituam”, tha ish-lojtari I Udinezes. Chelsea avancoi falë autogolit të Deivid për të barazuar zëvendësuesi Colin Kazim-Richards në minutën e 65-të, ndërsa Deivid u nxor për autogolin e shënuar duke realizuar golin e fitores në minutën e 82-të. Fenerbahce mbeti skuadër e pamposhtur në arenën ndërkombëtare sa i përket dueleve në shtëpi në 12 ndeshjet e fundit.