RAUL: SHKËLQIMI I TIJ VAZHDON

Sulmuesi i Real Madridit, Raul Gonzalles, e ka thyer edhe një barrierë në librin e historisë së klubit mbretëror. Me golin që e realizoi kundër Sevillas sulmuesi merengues arriti kuotën e 290 golave të shënuara nën fanellën e skuadrës më të suksesshme evropiane që e bënë atë golashënuesin e dytë më të mirë në histori të gjigantit evropian. Realizatori më i mirë i Realit mbetët legjenda Alfredo di Stefano, me 316 gola 26 më shumë se Raul Gonalles, i cili është edhe golashënuesi më i mirë në Ligën e Kampionëve, me 62 gola të realizuara. Edhe pse Raul në këtë edicioni ka shënuar 17 gola, ai nuk është ftuar nga selektori i kombëtares spanjolle Luis Arragonez për kampionatin evropian të këtij viti që mbahet në Zvicër dhe Austri. Kampioni botëror në vrapim në garën 60m në ambient të mbyllur dhe fituesi i medaljes së argjend në lojërat olimpike të Athinës, Dwain Chambers, ka vendosur ta provoj vetën edhe në Ragbi. Sprinteri britanik pas pezullimit dy vjeçar që e pati për shkak të skandaleve të dopingut, i është bashkuar skuadrës së ragbit Castleford, ku për një muaj do të qëndron në kamp me ragbistët e skuadrës që bën gara në elitën e kampionatit të Britanisë së Madhe. 29-vjeçari mediave britanike u tha se ka vendosur për t'iu bashkuar skuadrës së ragbit, pasi dëshiron që deri në kohën e suspendimit të merret me ndonjë sport me qëllim të mbajtjes së formës për lojërat olimpike verore "Pekini 2008". Chambers shpreson që ai së bashku me avokatin e tij Nick Collins, do ta fitojnë gjyqin përballë drejtësisë britanike, që do t' i mundësojë atij paraqitjen në olimpiadën e radhës, pasi Komiteti Olimpik i Britanisë së Madhe qartë e thekson se sportistët e suspenduar për raste të tilla nuk do të mund ta përfaqësojnë kurrë më shtetin anglez në lojërat olimpike. Chambers ishte testuar pozitiv në doping fillimisht në vitin 2003 kur ishte suspenduar për dy vjet, dhe i ishte marrë titulli i kampionit të Evropës të cilin e kishte fituar në vitin 2002. Pasi që e kishte kaluar suspendimin, Chambers iu rikthye shtigjeve të atletikës dhe në vitin e shkuar ai hyri në mesin e atletëve të artë botëror, pasi u shpall kampion bote në 60m në mitingun e mbajtur në Valencia.