Trezege: Inter mund ta humbë!

4 Prill David Trezege, sulmuesi i Juventusit, është i gatshëm që të japë gjithçka në shtatë ndeshjet e mbetura deri në fund të sezonit, por mendon që në situatën e tanishme, skuadra e tij mund të fitojë ndërsa Interi vetëm mund të humbë. “Ne do të japim më të miurën deri në fundin e kampionatit, duke e ditur që çdo ndeshje deri në fund do të jetë për ne një finale”, deklaroi francezi në mikrofonat e “Sky”. “Megjithatë, të japësh një përqindje mbi shanset që kemi për të fituar titullin deri në fund është shumë e vështirë. Mendoj që ky kampionat mund të humbet prej Interit, ndërsa ne nuk kemi se çfarë të humbim. Të paktën ndaj nesh, zikaltërit kanë një avantazh me të vërtetë tëkonsiderueshëm”, deklaroi “Trezegol” për të përditshmen italiane “Corriere dello Sport”. Shtatë javë përpara fundit, Interi renditet i pari me 69 pikë, 11 më shumë se Juventusi, i cili ka njëndeshje më shumë për të luajtur ndaj Parmës.

Ndërkohë, në kampin e bardhezinjve regjistrohen disa probleme për Kristiano Zanetin. Mesfushori nuk zhvilloi stërvitjen me skuadrën për shkak të problemeve në kofshën e djathtë, ku kohët e fundit ka pësuar një dëmtim. Stafi mjekësor i bardhezinjve vendosi t’i jepte disa ditë pushim lojtarit, për të shmagur thellimin e mundshëm të dëmtimit, prandaj prezenca e tij ndaj Palermos është e pamundur. Mungesa e Zanetit do të detyrojë Ranierin që të spostojë Kamoranesin në qendër të mesfuashës, ndërsa Salihamidziç duhet të luajë si titullar në krahun e djathtë