Ranieri : “E bukura fillon tani!”

Trajneri i Juves mes vetëpërmbajtjes dhe dëshirës për të çuditur të gjithë këtë sezon

Na presin tetë finale dhe, ku i dihet, mund të vendosim edhe qershizën mbi tortë”



Klaudio Ranieri e ka mbajtur fjalën. Verën e kaluar, para se të niste fazën përgatitore me Juventusin, i kishte vënë vetes objektivin për t’i prishur punët “shkallëve të larta” të renditjes. Dhe Juvja ka prishur shumë punë këtë vit: mjafton fakti që në fazën e dytë ka mundur Interin dhe Romën, dy skuadrat që ka përpara në renditje, pasi kishte barazuar me të dyja në fazën e parë. Tani është me ambicie akoma më të mëdha: “Maksimumi”, thotë Ranieri duke i shkëlqyer sytë. Sepse pas nëntë muajsh objektivi i tij nuk ka ndryshuar: “Duhet t`u prishim punë deri në fund. Madje, e bukura fillon pikërisht tani. Na presin tetë finale dhe, ku i dihet, mund të vendosim edhe qershizën mbi tortë”.



? Pra, doni vendin e dytë?

? Rezultatet vijnë vetëm kur synon lartë, këtë e kam shumë të qartë. Dhe derisa të na përjashtojë matematika, unë do të besoj. Sigurisht, duhet ta humbasin skuadrat e tjera (është fjala për titullin, por nuk e zë me gojë për fat), por ka ndodhur edhe më parë. Nuk më pëlqen të krijoj iluzione te njerëzit, por të punoj që ëndrrat të bëhen realitet, edhe duke ditur që është shumë e vështirë.

? Si ju duket Interi dhe Roma në këtë fundsezoni?

? Nuk dua të flas për to. Por njëra kishte shumë pikë avantazh dhe tani nuk i ka më. E nëse tjetra nuk do të kishte humbur derbin, do ti ishte ngjitur pas. Katër pikë mund të jenë ende shumë, por u takon atyre që t_i administrojnë. Ne kemi ende shumë më pak, por edhe një ndeshje më shumë se ato.

? Sa i “qani” shtatë pikët e humbura me tre skuadrat e fundit të renditjes?

? Shumë, sepse tani do të ishim edhe ne në ato ujra.

? Pak a shumë po aq sa gjashtë pikët e lëna në Napoli dhe Rexho Kalabria, për shkak të gabimeve të gjyqtarëve?

? Që dhe me dy pikët e Parmës bëjnë tetë... Jo, unë qaj pikët tona. Të tjerat futen në aspektet e tjera të lojës së futbollit. Madje unë e prisja dhe ua kisha thënë djemve që në fillim të sezonit, ishte e natyrshme që të ndodhnin disa gjëra: në dyshim... ndonjë karton apo ndonjë penallti kundër më shumë se të tjerat.

? Në fillim të sezonit thatë që kishit shumë kureshtje: nënttë muaj më vonë sa e keni shuar?

? Shumë. Ambiciet i kishim dhe i justifikuam në fushë. Hendeku me skuadrat më të forta u pakësua shpejt fal nisjes mjaft të mirë të sezonit dhe ecurisë së qëndrueshme. Ndryshimi është se Interi dhe Roma kanë fituar ndeshje edhe pa dhënë maksimumin. Ndërsa Juventusi

duhet të japë gjithmonë më të mirën e mundësive të veta, për ndryshe barazon ose humbet.

? Nuk flitet as p-r nivelin e lojës?

? Para ndeshjeve bëhen shumë vizatime e taktika për të shtangut kundërshtarin, por në fund, nëse nuk ia del, duhet të jesh i zoti në dyluftime dhe i saktë në 20 metrat e fundit. Për këtë, na ka munguar Kamoranezi në të gjithë fazën e parë, i cili është shumë i aftë në driblimin e kundërshtarit dhe në dhënien e pasimit të duhur. Gjithsesi kemi përsëri sulmin e dytë më të mirë ta kampionatit.

? Pse Iakuinta është më efikas kur futet nga stoli?

? Nuk është e vërtetë. Nëse numrojmë minutat e luajtura, Vinçeco ka mesataren më të lartë të golave nga sulmuesit tanë. As ai dhe as Del Piero nuk më duken si Altafini. Por nuk duhet të thuhet që është sulmuesi i tretë i Juves, jam shumë i kënaqur për kampionatin që po bën.

? Kush ka dhënë më shumë se sa kishit parashikuar në fillim?

? Noçerino, shumë më tepër. Nga Molinaro prisja pikërisht një sezon të tillë. Edhe Legrotalie gjithashtu.

? Po Paladino? Eshtë shumë i talentuar por nuk arrin ta shprehë.

? Sepse ka nevojë që të luaj më vazhdimisht. Shpresoj që t_ia dalë, por nuk varet nga unë, varet vetëm nga lojtari. Sidoqoftë këtë vit ka luajtur disa ndeshje të mira, përndryshe nuk do të ishte thërritur në kombëtare.

? Tiagon e kërkuat ju. Inatin e keni më shumë me veten apo me atë?

? Me asnjërin. Së pari, duhet të them që blerjet i kam bërë në bashkpunim me drejtuesit. Dhe së dyti, kur bëhen blerje të kushtëzuara është e natyrshme që dy ose tre element të mos rezultojnë ashtu siç pritej. Vazhdoj të mendoj se Tiago është lojtar i madh, për këtë janë të bindur edhe shumë shokë të tij. Por, akush nuk e shpjegon pse gjërat shkuan kështu. Pastaj, edhe një kampion i madh si Shevçenko nuk shkëlqeu dot tek Çelsi ashtu siç bëri tek Milani. Dhe askush nuk e di arsyen.

? A keni menduar se ku mund të ishte Juventusi nëse nuk do të ishin shpërdëruar 40 milionë euro për Tiago, Almiron, Krishiton dhe Andreaden?

? Jo, sepse ndoshta nuk do të kishim marrë Iakuintën, Noçerinon, Salihamixhiçin dhe Grigerën... Me lojtarë të tjerë ndoshta nuk do ta kishim rregulluar skuadrën siç e kemi bërë tani.

? Si e prisni sezonin e ardhshëm, më të vështirë?

? Le të mbarojmë këtë më parë. Pastaj do të ketë kureshtje të tjera për të shuar, sidomos duke menduar që do të luajmë në tre fronte. Bazën e kemi, dhe duhet të punojmë që të pësojmë më pak dhe të shënojmë më shumë. Dhe nuk duhet të jetë shumë e vështirë pas një viti bashkë.

? Cili ka qënë çasti më i vështirë i sezonit?

? Falë Zotit deri tani nuk ka patur.

? Por pse në një farë pike jeni ankuar për kritikat ndaj jush?

? Sepse kanë qenë vetë gazetarët që kanë shkuar se “timonieri” duhet lënë i qetë. Brenda javës i kanë bërë Marçelos (Lipi) së gjorë xhiro vajtje?ardhje Torino?Milano. Ndërsa tani e kanë ndalur në kombëtare. Megjithatë unë nuk kam pasur kurrë dyshime mbi veten. ? Si e shpjegoni atëhere që brenda pak ditësh drejtori sportiv, administratori dhe presidenti i klubit, janë detyruar që të shprehin besimin ndaj jush?

? Mu bë qejfi, edhe pse nuk e ndieja të nevojshme. Mesa duket vunë re se kishte një sulm ballor ndaj meje dhe ndërhynë. Por unë isha i qetë sepse e dija si ishin gjërat.

? A keni ndonjëherë frikë që në Torinodo të përfundojë si te Valencia apo te Çelsi, ku ju ndërtuat dhe të tjerët fituan.

? Përveç faktit që nga Çelsi ika unë, nuk më intereson, sepse unë punoj sikur do të qëndroja 100 vjet të Juventusi. E kam përdorur shpesh metaforën “pallat në ndërtim”, por “pema” i shkon më shumë për shtat. Kjo është një pemë që ka pasur probleme dhe duhet ujitur mirë: tani që është forcuar sërisht do të duhet të punojmë të gjithë që të bëhet lis.