Kruz: Të detyruar të fitojmë

“Respekt po, por jo frikë”. Eshtë ky shpirti të cilin Interi duhet të gjejë, për t’u përballur me Atalantën në Bergamo, ashtu si shpjegoi dje Hulio Kruz, i cili është takuar me tifozët zikaltër. “Ndaj Milanit kanë zhvilluar një ndeshje të bukur dhe kanë qenë tepër agresiv, sidomos në pjesën e parë”, tha sulmuesi argjentinas, “ndihen mirë fizikisht, por e dimë se duhet të shkojmë atje dhe të kërkojmë të fitojmë ndeshjen. Kemi një avantazh dhe duhet të përpiqemi që ta ruajmë atë”. Dhe sidoqoftë, sipas bomberit zikaltër, pozicioni i atij që qëndron në krye është më i preferuar nga ndjekësit: “Eshtë gjithmonë shumë e vështirë të qëndrosh prapa, sepse duhet të fitosh gjithmonë, duke shpresuar që ai që kryeson të jetë në një moment jo të mirë”. Kruz, nga një anë, refuzon kritikat që kanë rënë mbi Interin (“Mund të ndodhë për një periudhë që të mos ndihesh mirë, besoj se nuk jemi as të parët dhe as të fundit që kemi të tilla probleme”), nga ana tjetër nuk heq dorë nga marrja e përgjegjësive: “Ka pak kohë që nuk arrijmë të shënojmë, po ndodh që ne sulmuesit nuk kemi shumë hapësira dhe nuk furnizohemi me topa. Eshtë e gjithë skuadra që ka vuajtur kohët e fundit”. Pyetjes nëse në këtë moment do të ishte diçka e duhur që të thirrej Adriano, Kruz përgjigjet po, por shton se “tani Adri është në Brazil tani dhe ne jemi në Milano”. Në lidhje me zërat e lidhur me transferimin e Ronaldinjos në Milano: “Nuk di asgjë, por çdo vit vijnë lojtarë të rëndësishëm, të paktën për gazetat”.