Federata Angleze nis hetimet pas akuzave për trukim

Federata Angleze e Futbollit bëri të ditur se do të nisë menjëherë hetimet pas akuzave për trukim të Premier League kur një lojtar pranoi se ka marrë 50 000 stërlina për të ndihmuar në trukimin e një ndeshjeje. Lojtari, i cili nuk e ka treguar emrin e tij, kishte bërë ndërhyrje të tilla që të përjashtohej me të kuqe dhe u kishte mbushur mendjen tre shokëve të skuadrës që të ndëshkoheshin gjithashtu në një ndeshje të luajtur në Britani dy vjet më parë. Në këmbim, ai kishte marrë 50 000 stërlina, me të cilat do të paguante një borxh që kishte prej lojërave të fatit që luante. Një zëdhënës i FA?së, tha: “Do të nisim menjëherë hetimet për këtë histori. Gjëja e parë që duhet të saktësojmë është nëse ndeshja është luajtur në Angli apo jo. Historia thotë Britani, por nuk e dimë nëse është në Angli. Ka rregulla shumë të qarta për bastëvëniet dhe është krejtësisht e ndaluar”. Rasti i fundit i basteve të vëna nga futbollistët në Angli ka ndodhur në vitet ’60 ku si pasojë u arrestuan dhjetë futbollistë. Në vitin 1915, një ndeshje e kategorisë së parë ku Mançester Junaitedi mundi 2?0 Liverpulin u zbulua se ishte e trukuar dhe katër lojtarë nga çdo skuadër u përjashtuan përjetë.