Livorno: Skandal, gjyqtari na vodhi

shtë një vjedhje e bërë në mënyrë të përsosur. Na e vodhën ndeshjen! Këto nuk janë veçse gjëra që e shkatërrojnë futbollin. Shkova te gjyqtari për t'i thënë se, nëse zbresim në Serinë b, faji është edhe i tij. M'u përgjigj se mund të dilja jashtë qetësisht, dhe unë këtë bëra." Pas humbjes 2-0 në fushën e Sampdorias, presidenti i Livornos, Aldo Spineli, ka shfryrë kundër gjyqtarit të ndeshjes, Romeo, që sipas tij ishte një gjykim skandaloz. Numri një i klubit toskan kundërshton, para së gjithash anulimin e golit të Tavanos (i cili, sipas gjyqtarit, paska shkaktuar faull ndaj një mbrojtësi kundërshtar), që do t'i lejonte të tijtë ta zhbllokonin ndeshjen. "Nëse kur je barazim 0-0, ta anulojnë një gol të tillë, -ka theksuar Spineli. - Nuk ka motiv më për të luajtur, sepse nuk ka drejtësi për skuadrat e vogla. Është një vjedhje e përsosur, e përsëris: është gjë e turpshme! Vijërojtësi doli kundër vendimit të kryesorit, që ishte 50 metra larg aksionit dhe e anulon golin pa të drejtë. Unë nuk shkoj asnjëherë më në televizor, por ajo që ndodhi sot (dje) në "Marasi" është e pakuptueshme. E kam marrë disa herë në telefon presidentin e Federatës Italiane të Futbollit, Abeten. I kam telefonuar shpesh edhe Matarrezen (presidenti i Ligës së Futbollit), por sot nuk është treguar kujdes ndaj nesh, ndaj po u drejtohem televizioneve. Mjaft!" Ndërkohë, administratori i deleguar i Sampit Marota iu përgjigj kështu akuzave të Spinelit: "Nga njëra anë e justifikoj hidhërimin e presidentin të Livornos, por duhet të mbroj edhe meritat e Sampdorias. Të flasësh për vjedhje më duket jo logjike, e tepruar. Ai i Tavanos ndaj Gastadelos ishte një faull, sepse mbrojtësi nuk bie vetë. Pas asaj rënie Tavano doli përballë portierit. Pastaj, mbi këtë rast, nuk më takon mua të vendos, por nuk mund të bëhet fjalë për vjedhje, sepse kjo dëmton imazhin e Sampit dhe të gjyqtarit. Nuk jam dakord me shfryrjen e Spinelit".