Rajkard, "elozhe" për Kërkiçin

Bojan Kërkiç mori lavdërime të mëdha nga trajneri Frenk Rajkard, pasi 17‑vjeçari shfaqi një personalitet prej të rrituri dhe i dha fitoren 1‑0 Barcelonës së tij në fushën e Shalkes. "Jam tepër i kënaqur për Bojanin, sepse ai e bën çdo gjë në mënyrën më të saktë, kur është në fushën e lojës, - tha trajneri holandez i klubit spanjoll. - Çdo vendim i marrë prej tij është më i duhuri. Në fillim dëgjon moshën e tij, kurse më pas e shikon tek luan si një lojtar i madh për skuadrën e tij." Ish‑lojtari i Milanit vazhdoi: "Djaloshi meriton lavdërime speciale. Gjithsesi, ai nuk duhet ta humbasë përulësinë, si dhe duhet të vazhdojë punën. E vërteta është se ishte kënaqësi ta shikojë në lojë." Goli i Bojanit zor të përbëjë kulmin e një paraqitjeje të jashtëzakonshme të djaloshit, që eklipsoi specialistët e golit, Samuel Eto dhe Tierri Henri. Sipas librit të statistikave të UEFA‑s, goli i tij në moshën 17 vjeç e shtatë muaj e bën atë lojtarin e dytë më të ri që ka shënuar në Ligën e Kampionëve. Më i riu rezulton të jetë Peter Ofori‑Kuaje, i cili shënoi për Olimpiakosin në moshën 17 vjeç e 195 ditë, më 1 tetor të vitit 1997