Kaka: Më vjen mirë që u ktheva me gol

Rikthimi i tij ka qenë “jetësor” për Milanin, që ka rigjetur kështu formën më të mirë dhe ka shkëlqyer. Rikardo Kaka është “oksigjeni” i kuqezinjte dhe me zbritjet e tij ka “gjunjëzuar” Kaljarin. “Jam shumë i kënaqur personalisht që kam arritur të shënoj në tre ndeshjet e fundit që kam luajtur. Eshtë diçka që më jep një motivim dhe shtysa më të mëdha. Ndihesha më mirë dhe prandaj i kërkova vetë trajnerit Ançeloti që të luaja 90 minuta. Në fushë arrita të bëja gjërat që kisha ndër mend. Ishte një rikthim i mirë. Në rastin e golit tim ishte shumë i aftë Pipo i cili më la hapësirën e duhur për të shënuar. E nisëm shumë fort takimin, me vendosmërinë dhe dëshirën e duhur. Me një shpirt gare, ndryshe nga ndeshjet e shkuara. Në pjesën e parë kemi sulmuar dhe vënë nën presion kundërshtarin, ndërsa në të dytën ramë pak, por sidoqoftë e kontrolluam takimin. Mund të arrijmë vendin e katërt. Do të përpiqem të bëj maksimumin që të marrim pjesë në Champions”.

Sedorf: Tifozët na mbështetën

“Kjo fitore është thelbësore për moralin, për të gjithë ambjentin dhe sidomos e rëndësishme për nga mënyra se si e arritëm. Jam i kënaqur me reagimin e skuadrës”. Klarens Sedorf ka “duatrokitur” lojën e zhvilluar nga Milani, me Kaljarin. “Pas golt të tyre u përgjigjëm shumë mirë, por edhe mbështetja e publikut iste e jashtëzakonshme. Kështu duhet të sillen gjithmonë. Më vjen keq që ndonjëherë kam zhgënjyer tifozët, por e di që jo gjithmonë mund të jap maksimumin, edhe pse përpiqem”.

Galiani: Vitin tjetër, titullin!

Pas këtyre viteve të fundit, në të cilat Champions League ishte objektivi kryesor, sezonin e ardhshëm Milani do të synojë sidomos te titulli i Serisë A: fjalë e Adriano Galianit: “Milani duhet të luajë vitin e ardhshëm për t’u munduar që të fitojë kampionatin. Kemi dy vjet që jemi në vështirësi dhe ndaj duhet të mendojmë për vitin e ardhshëm dhe të bëjmë sa më mirë në kampionat. Nëse më pas do të ketë Champions, do të përpiqemi që të shkojmë në finale. Do të ndërtojmë një ekip të aftë pr të