Porto bën “tris”, por skandali është pranë

Pasi kanë festuar kampionatin për të tretin vit radhazi, bardheblutë duhet të presin përfundimin e hetimeve për korrupsion: rrezikojnë t’i hiqen gjashtë pikë

Porto arriti të fitonte të shtunën titullin kampion në Portugali pesë javë para fundit, duke u bërë kështu skuadra e parë europiane që mbyll kampionatin e saj. Pas fitores 6?0 ndaj Estrela Amadorës, skuadra e Zhezualdo Ferreirës ka mundur të shkëputet nga Benfika dhe Vitoria Gimaraesh, dy ndjekëset e saj më të afërta dhe ka siguruar titullin e tretë radhazi. Por festa mund të përfundojë edhe keq. Sepse javën e kaluar, Komisioni Disiplinor i Federatës Portugeze ka nisur një hetim për korrupsion në futboll kur mund të përfshihet edhe Porto. Në fillim u duk sikur hetimi ishte vetëm për kategorinë e dytë, por tani rrezikon të shndërrohet në një “calciopoli” portugeze. Bëhet fjalë për paracaktimin e gjyqtarëve të ndeshjeve, disa prej të cilave të sezonit 2003?2004, sezoni i fundit i Murinjos. Por hetimeve nuk i kanë shpëtuar as Boavista. Kjo e fundit rrezikon edhe rënien nga kategoria për akuzën e korrupsionit. Ndërsa Porto rrezikon më pak: nëse del fajtore për përjekje për korrupsion do t’i hiqeshin gjashtë pikë nga kampionati aktual. Kjo mund të godasë edhe psikologjikisht lojtarët, që do të duhet të luajnë sërish për të fituar atë që kanë fituar tashmë. Ndërsa presidenti Pinto da Kosta rrezikon katër vjet pezullim.