Grant: Mjaft “u tallëm”!

Avram Grant mendon se Çelsi i ka të gjitha mundësitë për të fituar të gjithë kompeticionet ku merr pjesë. Fitorja 2?0 kundër Mançester Sitit, e ka rritur presionin ndaj Junaitedit, që barazoi 2?2 në Midëllsbrou. Ndeshja e sotme kundër ekipit të Zikos, Fernebahçes, do të jetë shumë domethënëse për të ardhmen e ekipit londinez. Në ndeshjen e parë në Turqi ata u mundën me rezultatin 2?1. “Blutë” do të luajnë në këtë ndeshje të freskët pas fitores me Sitin, duke parë që Grant kishte përdorur vetëm gjysmën e formacionit më të mirë. Lojtarët si Didier Drogba dhe Rikardo Karvaljo u lanë pushim dhe pikërisht prej tyre pritet më shumë në ndeshjen kundër turqve. Grant tha: “Nuk e di kurrë rezultatin përpara ndeshjes, përndryshe do të isha në milioner. Por e se çfarë dua nga djemtë e mi. Kam shumë besim tek ekipi im dhe nuk ka rëndësi nëse luajmë kundër Fenerbaçes apo Barcelonës. Luajtëm mirë në Turqi dhe jo vetëm në pjesën e parë. Fenerbaçe është një ekip shumë i mirë dhe me një trajner shumë të mirë. Eshtë një njeri që e admiroj shumë. E di shumë mirë që nuk do të jetë e lehtë, por mund të fitojmë. Kemi shumë cilësi dhe mund të mundim këdo”. Gjatë dhjetorit dhe janarit Çelsit i kanë munguar disa nga lojtarët më të mirë. “Këto lojtarë na kanë çuar deri këtu ku jemi tani. Kanë bërë një punë shumë të mirë dhe kemi besim tek ta”. Grant ishte shumë i lumtur me lojtarët për ndeshjen kundër Sitit. Ai tha: “Jam shumë i lumtur kur fitojmë. Filluam mirë, por Siti luajti fort. Ata janë një ekip i fortë dhe me një trajner të mirë”.