Benitezi : “T’i “vrasim” për së dyti!”

Liverpuli barazoi dy herë 1?1 brenda pak ditëve në “Emirates” në çerekfinalen e parë të Champions dhe kampiionat, por “të kuqtë” ndiejnë që tani ka ardhur momenti për një fitore. Pas me barazimin në kampionat i dhanë praktikisht fund shpresave të “topçinjve” për të fituar titullin, tani Benitezi është i vendosur që të “flakë” rivalët londinezë edhe nga Europa. Kjo bën që përballja e sotme e gjigandëve anglez të jetë shumë domethënëse për të ardhmen e të dy klubeve. Përfundimi do të jetë suksesi ose dështimi për njërin prej tyre. Benitez tha: “Nëse ata do të duan të fitojnë ndonjë trofe, duhet të fitojnë këtë ndeshje sepse në Premiership do të jetë shumë e vështirë. Përpara ndeshjes të së shtunës ata e dinin shumë mirë që duhet të fitonin për të qënë në garë për titull. Në ndeshjen e kampionatit Venger la jashtë pesë lojtarë të formacionit, por në këtë ndeshje ai duhet të aktivizojë lojtarët më të mirë. Mbase ai kishte menduar se gara për titull kishte përfunduar. Por, Mançesteri Junaited barazoi, kështu që ai mund të mendojë se gjithçka u rihap. Gjithsesi, unë vazhdoj të mendoj se ndeshja në “Anfield” do të përcaktojë nëse ndonjëri prej klubeve tona do të fitojë titull në këtë sezon”.

Benitezi ka besim tek fuqia e skuadrës së tij: “Kemi besim. Kemi luajtur mirë në ndeshjet e fundit dhe kemi marrë rezultate të mira. Paraqitja jonë ka qenë e mirë, por nuk jemi favoritë për të kaluar turin, jo me kualitetin e lojtarëve që ata kanë. Megjithatë, kjo ndeshje do të jetë ndryshe, sepse në krah do të kemi publikun, i cili bën gjithmonë ndryshimin. Edhe atyre i nevojitet fitorja, mund të jetë një ndeshje sulmi”.