REAL MADRIDI DHE BARCELONA NUK ARRITËN MË SHUMË SE NJË BARAZIM, VILLARREALI PËSOI DISFATË NGA SEVILL

Real Madrid ka barazuar me shumë fat në udhëtim te skuadra e papërshtatshme Mallorca, e cila javën e kaluar kishte deklasuar Valencian në Mestalla. Madrilienët që po luftojnë për mbrojtjen e titullit në pushim shkuan me një gol epërsi, falë këtij goli të realizuar nga mesfushori holandez, Wesley Snijeder. Punën më të madhe këtu e kreu holandezi tjetër Arjen Roben. Mirëpo në pjesën e dytë ishullorët u treguan ekip dukshëm më i mirë se Reali, dhe me meritë barazuan, madje sikur të kishin fat më shumë ata tri pikë do t'i ndalin në shtëpi. Merenges nga minuta e 66-të mbeti me një futbollist më pak në fushë mbrojtësi Sergio Ramos u ndëshkua me kartonin e dytë të verdhë nga gjyqtari Arturo Dauden Ibanze, i cili ishte njeriu më i kritikuar pas kësaj sfide për shkak të disa vendimeve kontraverse në dëm të dyja skuadrave e veçmas të Mallorcës. Epërsinë e një futbollisti në fushë vendasit e shfrytëzuan për ta barazuar rezultatin, ishte Borja Valero ai që me këtë gol të bukur e kalli atmosferën në tribuna. Mallorca ishte afër që pikët e plota ti ndal në shtëpi, por në rastin e fundit në ndeshje ish-sulmusi i Getafes, Daniel Guzia, qëlloi vetëm transversalen. Këtë barazim të kampionit dhe liderit aktual nuk e shfrytëzoi rivali i përjetshëm i tyre, Barcelona, që në Kamp Nou barazoi pa gola me skuadrën Getafe. Heroi i këtij takimi pa dyshim se ishte portieri i kombëtares argjentinase Roberto Abudanzieri, i cili përkundër rasteve të shumta të blaugranëve e ruajti portën e paprekur. Rastin më të mirë në pjesën e parë për Barçën e pati kamerunasi Samuel Eto'o, i cili qëlloi vetëm shtyllën pingule. Nga ana tjetër skuadra e Getafes, e cila të enjten barazoi 1:1 në Alizan Arena me Bayernin në ndeshjen e parë çerekfinale të Kupës së UEFA-së, rrezikoi me anë të Esteban Graneros, goditjen e të cilit e mbrojti portieri Victor Valdes. Në pjesën e dytë trajneri Frank Rijkaard në vend të Eto's dhe Militos, inkuadroi Marquezin dhe Dos Santosin, të cilët sollën freski në lojën e sidomos 18 vjeçari Dos Santos, i cili në rastin e parë qëlloi shtyllën. 15-të minuta më vonë edhe Xavi iu ofrua golit, por edhe këtë herë shtylla pingule e shpëtoi Getafen nga goli i sigurt. Rastin e fundit që eventualisht t' i ndryshojë shifrat e pati islandezi Ejdur Gudjonsen, goditjen me kokë të cilit e mbrojti Abodanzieri. Barcelona, e cila të mërkurën në këtë stadium e pret Schalken në ndeshjen e kthimit çerekfinale të Ligës së Kampionëve, mbetët në vendin e tretë në tabelë me shtatë pikë më pak se Reali aq sa ka edhe Villarreali që pësoi disfatë të pastër në udhëtimin bërë skuadrës andaluziane Sevilla. Sevilla, e cila po lufton për vendin e katërt në tabelë avansoi me golin e sulmuesit brazilian Luis Fabiano të shënuar në minutën e 19-të. Ky ishte goli i 23-të në këtë edicion i realizatorit më të mirë këtë kampionat në La Liga. Në minutën e 86-të Sevilla fitoi penalti pas ndërhyrjes së portierit Diego Lopez në Jesus Navas, ndërsa nga pika e bardhë reprezentuesi nga Mali Federic Kanoute shënoi për ta vendosur rezultatin përfundimtar Sevilla 2 Villarreali 0.