INTER DHE ROMA VAZHDOJNË LUFTËN PËR SCUDETTO, NGA ANA TJETËR NGUSHTOHET LUFTA PËR POZITAT QË SIGUROJ

Roma ka fituar me mjaft mund kundër Genoas në ndeshjen tepër interesante, e cila hapi javën e 32-të. Rodrigo Tadei dhe 1:0 minuta e 14-të. Vetëm katër minuta më vonë Vuçiniç shënon për 2:0. Mirëpo në pjesën e dytë Genoa tregohet më e rrezikshme dhe arrin të barazojë brenda dy minutave. Së pari Marko Rossi qëllon në minutën e 58-të, ndërsa vetëm një minutë më vonë Leon rikthen skuadrën në lojë. Momenti kryesor i ndeshjes penalltia e akorduar në dobi të Romës 10 minuta para përfundimit. Daniele De Rossi shënon për fitoren e gialorosëve dhe rezultatin përfundimtar. Roma-Genoa 3:2. Rikthimi i Leite Kaka-s dhe Pipo Inzaghit i ka mundësuar Milanos fitoren e parë në tri ndeshjet e fundit në shtëpi. Rosonerët kanë mposhtur skuadrën e rrezikuar Cagliari me rezultat 3:1. Lojtari i vitit 2007 kaloi Milanon në epërsi në minutën e tetë. Pipo Inzaghi ngriti epërsinë në minutën e 30-të, ndërsa shqetësimi i vetëm për rosonerët ishte ky kur portieri Kalac lëshoi topin nga duart katër minuta brenda pjesës së dytë. Mirëpo Inzaghi dëshmoi edhe një herë lojtari kryesor i Milanos me golin vendimtar të realizuar në minutën e 70-të. Inter megjithatë ka mbajtur distancën prej katër pikësh nga armata romake me fitoren e shënuar në Bergamo kundër Atalantës. Patick Viera shënon për 1:0 në minutën e 20-të. Edhe pse ish-reprenzentuesi francez kishte shkaktuar faul gjatë këtij goli ai u pranua nga gjyqtari. Rezultatin përfundimtar e shënon i riu Mario Balotelli në minutën e 74-të. Atalanta-Inter 0:2. Fiorentina ka shënuar fitore të rëndësishme në luftë për vendin e katërt. Violla e ka mposhtur skuadrën e rrezikuar Reggina me golat e Gianpaolo Pazzinit që realizoi bukur me kokë në minutën e 24-të dhe reprezentuesit rumun Adrian Mutus që shënoi në çastet e fundit të ndeshjes. 2:0 për skuadrën vjollce në fund. Sampdoria ka shtuar gjasat për vendin e katërt që siguron gara kualifikuese për Ligën e Kampionëve, pasi në ndeshjen e fundit e mposhti Livornon me rezultat 2:0, dhe tani gjendet vetëm katër pikë larg Fiorentinës që e mban atë pozitë. Cristian Maggio në minutën e 67-të e hapi serinë e golave, ndërsa rezultatin përfundimtar e vendosi Emiliano Bonazzoli pesë minuta para fundit të ndeshjes. Ky është edicioni më i mirë i Sampdorias në dhjetë vjetët e fundit. Siena e cila po lufton për mbetje në Serie A e ka marrë një pikë të vlefshme në ndeshje kundër Udineses e cila ka befasuar me lojëra dhe rezultate në këtë kampionat. Housseine Khjara i kaloi bardhezinjtë në epërsi në minutën e 67-të por gëzimi i tyre qëndroi vetëm dhjetë minuta pasi sulmuesi i rrezikshëm Antonio Floro Flores realizoi golin e shtatë në këtë edicion për ta vendosur rezultatin final. Fitore të madhe në luftë për mbijetesë ka regjistruar skuadra siciliane Catania e cila në ndeshjen e parë nën drejtimin e trajnerit të ri Valter Zenga e deklasoi Napolin 3:0. Colucci hapi serinë e golave që në minutën e 4-të. Për 2:0 finalizoi sulmuesi më i mirë i skuadrës Gionathan Spinesi, ndërsa rezultatin përfundimtar e vuri Vargas tre minuta brenda pjesës së dytë. Befasia më e madhe e javës së 32-të ndodhi në Olimpiko të Torinos ku skuadra Empoli ka fituar tri pikë të mëdha kundër skuadrës së Torinos, e cila ka rrezikuar mjaft me këtë disfatë. Të vetmin gol në këtë ndeshje në të cilën dominoi Toro e realizoi kapiteni i Empolit, Igli Vanuchi në minutën e 88-të. Ndeshje interesante ishte edhe ajo e cila përfundoi baras në Enio Tardini ndërmjet Parmës dhe Lazio-s. Krejt golat në këtë ballafaqim u shënuan në pjesën e parë. Parma avancoi me golin e sulmuesit kroat Igor Budan. Mirëpo Brenda tre minutave Lazio shënoi dy herë së pari Rochi në minutën e 35-të ndërsa Rolando Bianchi kaloi skuadrën nga Roma në epërsi. Në çastet e fundit të pjesës së parë mesfushori Massimo Paci qëlloi për rezultatin përfundimtar. Parma-Lazio 2:2. Derbi i javës i zhvilluar mbrëmë në Renzo Barbera mes Palermos dhe Juventusit i ka takuar skuadrës siciliane, e cila e ndërpreu serinë e suksesshme të bjankonerëve prej tri fitore radhazi. Sicilianët avancuan në minutën e 11-të me golin e bukur të realizuar nga braziliani Amauri, i cili në kampionatin e ardhshëm flitet se do të kaloj në Juve. I njëjti futbollist në aksionin e fundit të pjesës së parë e mposhti Buffonin për të siguruar pushim shumë më të qetë për ekipin e tij. Në pjesën e dytë pamje krejtësisht tjetër në fushë, ishte Juventusi ai ekip që e diktoi tempon e lojës dhe krijoi shumë më shumë raste shënimi por në fund nuk ia arriti qëllimit të paktën ta merr një pikë. Ikona e klubit Alessaandro Del Piero në minutën e 52-të e zvogëloi epërsinë ndërsa 20-të minuta para fundit me golin e dytë në ndeshje barazoi rezultatin. Kur pritej që zonja e vjetër ta shënoi golin e fitores ndodhi e kundërta, minuta e 89 Matia Cassani me këtë eurogol e shënoi rezultatin përfundimtar Palermo 3 Juventus 2.