UEFA PËRKRAH IDENË E PJESËMARRJES SË SKUADRËS CARDIFF CITY NË KUPËN E UEFA-s, NËSE E FITON TROFEUN E

UEFA do ta rishikojë mundësinë e ftesës për pjesëmarrje në Kupën e UEFA-s, për skuadrën e ligës së dytë angleze Cardiff City, nëse ky ekip arrin të fitojë në finale të kupës shtetërore angleze FA. Një gjë të tillë shtëpia më e madhe e futbollit evropian e ka bërë të ditur sot në veb-faqen zyrtare. Cardiff City pas fitores që e shënoi dje ndaj Barnsleyt e ka siguruar një vend në finale të këtij edicioni, ku do të takohet kundër Portsmouthit. Megjithatë, sipas rregullave në fuqi të UEFA-s, Cardiff City nuk ka të drejtë pjesëmarrje në kupën e UEFA-s, edhe nëse e fiton këtë trofe, pasi skuadrat nga Wellsi, kualifikohen në këtë garë të çmueshme vetëm pas garave kampionale. Mirëpo Federata Angleze e Futbollit më parë ka paralajmëruar se do të shikojë ndryshimin e rregullave të cilat kryesisht do të shkonin në dobi të skuadrave më të vogla të cilat në të kaluarën kanë lënë gjurmë në futbollin e ishullit. Në përkrahje të pjesëmarrjes së Cardiff City-t në garat e kupës së UEFA-s, ka dalë edhe kryetari aktual i UEFA-s, francezi Michel Platini.