BERLUSCONI: ANCHELOTTI DO TË MBETËT, MALDINI DO T' I JAPË FUND KARRIERËS

Presidenti i gjigantit evropian Milanos, Silvio Bersulconi, ka deklaruar se pret që trajneri Carlo Anchelotti të mbetët edhe në kampionatin e ardhshëm trajner i rossonerëve, ndërsa ikona e klubit kapiteni Paolo Maldini, sipas të gjitha gjasave do të largohet nga San Siro. Anchelotti është pjesë e familjes së madhe Milano, dhe pres që edhe në vitet e ardhshme ai të jetë në krye të ekipit, dhe nëse dëshirojmë që në të ardhmen e afërt ta rikthejmë shkëlqimin e dikurshëm, duhet pasur më shumë lojtarë të kalibrit evropian, ka thënë Berlusconi, për një radio të Milanos. Rossonerët këtë edicion po luajnë shumë dobët, dhe gjashtë xhiro para fundit të kampionatit e mbajnë vendin e pestë që nuk siguron gara kualifikuese për Ligën e Kampionëve. Ish-kryeministri i Italisë më tej ka shtuar largimi i Paolo Maldinit, i cili gjithë karrierën e kaloi në San Siro, nuk duhet ndikuar në skuadër. 39 vjeçari Maldini definitivisht do ta përfundojë karrierën, por ne në skuadër kemi akoma lojtar të mëdhenj të cilët nuk janë të moshuar, megjithatë është e nevojshme që të kërkojmë përforcime të reja, ka thënë Berlusconi