Fenerbahçe ndalet në “Portat e Londrës

Çelsi siguroi një vend për në gjysmëfinale të Champions League, pasi golat e Mikael Balakut dhe Frenk Lampardit shërbyen për të “hequr qafe” Fenerbahçen. Balak shënoi me kokë në një goditje këndi të Xho Kolit pas vetëm katër minutash, ndërsa Eshli Kol goditi shtyllën në aksionin pasardhës. Në mesin e pjesës së parë, portieri Kudiçini pësoi një dëmtim dhe Grant u detyrua të aktivizionte portierin e tretë, Hilarion. Lugano dhe Ugur iu afruan barazimit për turqit, përpara se Lampardi të realizonte golin e dytë tre minuta nga fundi, pas një kombinimi me Mishel Esienin në zonë. Çelsi do të luajë në gjysmëfinale me Liverpulin, i cili në çerekfinalen tjetër fitoi 5�3 me rezultat të përgjithshëm ndaj Çelsit. Me “blutë” vetëm tre pikë pas Mançesterit në kampionat, skuadra e Grantit duket në gjendje për të përmbushur një dopietë historike.Çelsi kishte nevojë për një fitore minimale për të përmbysur humbjen 2�1 të Stambollit dhe goli i Balakut pas katër minutash lojë i dha anglezëve qetësinë e mjaftueshme, pasi kualifikimi virtual kaloi tashmë në krahun e tyre. Kol goditi shtyllën me Volkanin të mundur dhe Balak iu afrua golit në pjesën e parë, por Fenerbahçe u shfaq kërcënuese në dy raste të pastra që krijoi. Në pjesën e dytë tensioni ishte i dukshëm në të dyja skuadrat, ndërsa Ziko kaloi me një skemë me tre sulmuesa në të 60', pas futjes në lojë të Kezhmanit. Megjithatë, pavarësisht dëshirës së turqve, Çelsi “arkivoi” çështjen e kualifikimit me një gol të dytë tre minuta nga fundi dhe fitoi të drejtën për të luajtur në gjysmëfinale me Liverpulin për të tretën herë në katër sezonet e fundit