Nuk ka mrekulli, Roma jashtë!

Në futboll fati është i rëndësishëm, por kur të “kthen shpinën”, atëherë nuk mund të bësh gjë tjetër vetëm se të dalësh nga fusha e blertë i dëshpëruar. “Fotokopja” e këtij realiteti të këtij sporti është Daniele de Rosi, i cili kishte në këmbët e tij mundësinë për të rihapur diskutimin e kualifikimit në “Old Trafford”, por mesfushori verdhekuq ka gabuar nga pika e bardhë e penalltisë dhe Karlito Tevez nuk ka falur, por ka “shtyrë” drejt “humnerës” Romën, e detyruar që të dalë edhe njëherë me kokën poshtë nga “Pallati i ëndrrave”, përballë supremacisë së “djajve të kuq” të Fergusonit, të cilët fituan minimalisht 1�0, por që konsoliduan forcën e tyre. Tradita angleze vazhdon dhe në gjysmëfinale do të jetë Barcelona�Mançester Junaited. Gjithsesi, për t’u duatrokitur djemtë e Spaletit, që janë përpjekur në të gjitha mënyrat për të kthyer një rezultat që do të kishte qenë një mrekulli futbollistike, por që anglezët e kanë kthyer në një tjetër “fatkeqësi”, edhe pse këtë herë “festivali” i golave jo vetëm është shmangur, por italianët kanë vënë në vështirësi “ushtrinë” e Fergit. Në minutat e para ka qenë një dominim absolut për Junaitedin, që ka kontrolluar topin duke vënë nën presion kryeqytetasit, të “hutuar” nga publiku i zjarrt�_itanik. Në fillim Park, më pas Anderson i afrohen golit dhe Roma “dridhet”, por nuk rrëzohet, deri kur De Rosi gabon nga pika e bardhë e 11�të metërshit, për një faull të gjykuar të parregullt të Braunit në dëm të Masninit. Vuçiniç zgjohet, ndërsa Mançesteri duket i lodhur. Vuçiniç mundohet në të gjitha mënyrat, por Van der Sar është i kujdesshëm. Ndeshja ndizet, ndërsa Ferguson avancon edhe më Tevezin, i cili e zgjidh sfidën, duke “gjunjëzuar” verdhekuqtë, me një plonzhon të bukur me kokë. Historia mbyllet dhe italianët “dorëzojnë” armët. Mançesteri fiton sërish, kualifikohet sërish dhe verdhekuqtë qëndrojnë me shijen e hidhur të një mrekullie të munguar.