Han për Pushime Në Kinë

Trajneri i përfaqësueses Ari Han është gjendur gjatë këtyre ditëve në Kinë, teksa ka vizituar miqtë e tij në vendin aziatik me të cilët ka punuar gjatë kohës që ka stërvitur përfaqësuesen e këtij vendi. Së bashku me të janë edhe familjarë të trajnerit, gruaja dhe fëmijët të cilët e kanë shoqëruar në këtë udhëtim. “Trajneri ka një muaj që e ka planifikuar këtë udhëtim dhe këtu nuk flitet për asnjë kontakt pune apo për ndonjë ofertë që ka marrë nga ndonjë skuadër kieneze”, sqaruan dje burime zyrtare në FSHF. “Le të themi që trajneri ka nostalgji për atë vend sepse ka kaluar momente shumë të mira me përfaqësuesen dhe prej një muajsh kishte planifikuar një takim me miqtë së bashku me familjen. Javën e ardhshme mund të jetë në Ukrainë për të takuar kuqezinjtë që luajnë aty”.