Roma “shkatërron” sezonin!

VIP Numri i postimeve : 1761 Registration date : 09/03/2008

Roma pëson dy goditje të rënda në luftën për titull. Përveç se bllokohet në një barazim 1�1 nga Livorno, në “Olimpico” (golit të Vuçiniçit i përgjigjet ai i Diamantit), humbet edhe Françesko Totin, i cili ka dalë nga fusha e blertë, duke lënë skuadrën me dhjetë vetë, në minutën e 39�të, për shkak të një problemi në gjurin e djathtë, i transportuar nga makina mjekësore. Pra, me këtë paraqitje, edhe pse në një ndeshje të dominuar, verdhekuqtë i kanë bërë një “dhuratë” Interit, që sot ndaj Torinos, në rast se fiton, do të shkojë në +6 pikë nga djemtë e Spaletit dhe kampionati, virtualisht, do të ishte i mbyllur, me shpresën romane e cila do të shuhej plotësisht. Pra, sytë e të gjithëve do të përqëndrohen te ndeshja e zikaltërve me Torinon. Por, për t’u nënvizuar loja në mbrojtje e toskanëve të Kamolezes, të cilët për 90 minuta janë ruajtur me kujdes, duke kufizuar dëmet, ndërsa verdhekuqtë kanë shpërdoruar shumë raste, edhe pse Vuçiniç i ka dhënë avantazhin, i cili nuk ka mjaftuar, sepse Diamanti, nga goditja e dënimit, ka barazuar llogaritë. De Rosi me shokë kanë provuar deri në fund, por fati nuk ka dashur. Sezoni është shkatërruar...

Toti, lamtumirë sezonit

I ka kushtuar rëndë Romës ndeshja e djeshme me Livornon, sidomos për faktin se verdhekuqtë kanë humbur kapitenin e tyre, Françesko Totin, i cili ka pësuar një dëmtim në gjurin e djathtë. Në fillim flitej për një shembje në ligamentin anësor të kupës, por më pas, pas vizitave të para mjekësore, është kuptuar se problemi ka qenë më shumë serioz dhe një dëmtim më i rëndë në ligamentin e këmbës, saqë Toti i ka dhënë fund sezonit. Madje, flitet për mundësinë e një operacioni të menjëhershëm të kapitenit të Romës.

Spaleti: Zhgënjim total!

“Jemi shumë të dëshpëruar dhe të zhgënjyer që nuk arritëm që të merrnim tre pikë ndaj Livornos”. Eshtë një Luçiano Spaleti i dorëzuar ai që paraqitet pas ndeshjes së barazuar brenda fushës. “Na munguan disa cilësi të cilat na kanë dhënë mundësi të zhvillojmë një kampionat të mrekullueshëm, deri tani. Kaluam në avantazh me meritë, edhe pse nuk krijuam shumë në pjesën e parë, por mund të kishim shënuar edhe më shumë. Tani Interi d të jetë më i qetë, sepse i dhamë një mundësi të artë, që mund të shfrytëzojë”.

Mekses: Prishëm gjithçka

Fytyra të dëshpëruara dhe të zymta për barazimin me Livornon. Filip Mekses nuk dëshiron të flasë, për shkak të mërzisë, por përpiqet, edhe pse mes zhgënjimit, të thotë diçka: “Nuk kemi se çfarë të bëjmë, nëse edhe fati na kthen shpinën. Jemi të zhgënjyer, sepse meritonim fitoren. Rezultati 1�0 nuk mjafton dhe nuk është aspak i sigurtë. Titulli fitohet edhe me të voglat, sepse nëse barazon me të tillë kundërshtarë, atëherë nuk mund të pretendosh të arrish Interin. Tashmë nuk na mbetet gjë tjetër vetëm se të presim se çfarë do të ndodhë me zikaltrit. Prishëm gjithçka”.