Rejes, një artist në rënie të lirë

VIP Numri i postimeve : 1761 Registration date : 09/03/2008

Bëhet fjalë për një nga lojtarët më të mirë spanjoll të viteve të fundit, i cili për asnjë moment nuk arriti të shfrytëzonte talentin e tij. Ka luajtur me shumë skuadra të mëdha europiane, por kurrë nuk ka qenë një triumfues. Aktualisht Rejes luan tek Atletiko e Madridit, skuadër në të cilën ka krijuar shumë polemika dhe për asnjë çast nuk ka mundur të tregojë fytyrën e tij të vërtetë. Problemet duket se e kanë ndjekur pas, edhe pse një lojtar si ai duhet t’i kishte shmangur ato. I lindur në Utrera, Rejes që në vegjëli ka treguar pasionin e tij të madh për futbollin. Ka luajtur më parë me Seviljen dhe më pas me Arsenalin, në një skuadër me Tierri Henrinë. Ka fituar një kampionat me “Topçinjtë”, por vetëm kaq, sepse Arsen Venger deklaroi më pas se Rejes nuk bënte më pjesë në planet e tij. Ishte Reali i Madridit që besoi te një lojtar i tillë, i cili ishte shumë deçiziv në titullin e fituar nga Reali i Fabio Kapelos. Por, vetëm kaq, sepse pothuajse në të gjithë sezonin ka luajtur si z�_dësues. Pas fitimit të titullit, Rejes vendosi të kalonte tek Atletiko e Madridit, ku ende nuk ka arritur të japë më të mirën e tij. Kartonat e shumtë të kuq, dëmtimet e njëpasnjëshme dhe problemet me teknikun Havier Agirre, e kanë penguar mesfushorit spanjoll që të shfaqë cilësitë e tij më të mira. Tashmë të gjithë e kanë harruar Rejesin dhe ka shumë kohë që nuk flitet për të. Nga një lojtar i madh, Rejes është kthyer në një futbollist të zakonshëm, duke huymbur shumë nga shkëlqimi i tij.

Për të blerë Rejesin, tre skuadra si Sevilja, Arsenali dhe Reali i Madridit kanë shpenzuar 44 milion euro. Nga Sevilja tek Arsenali, 24 milion euro; nga Arsenali te Reali, 9 milion dhe nga Reali tek Atletiko e Madridit 11 milion euro.

Për sa i përket Rejesit jashtë futbollit, mund të flasim për një pasion të dytë të tij, të cilat janë makinat. Ky pasion ka lindur kur Rejes luante për skuadrën e Arsenalit dhe pikërisht duke ndenjur me bnjë nga miqtë e tij më të ngushtë, Tierri Henri.

Makina e tij e preferuar është Mercedes SLR MekLaren, i insipiruar nga Formula 1. Vitin e kaluar, Rejes shpenzoi 550 000 euro për këtë makina, në një kohë që në Spanjë ka vetëm 18 të tilla.

» Kosova vs Brazili gjuajtje e lire