Daniel Ager do t'i nënshtrohet operimit

Mbrojtësi danez në radhët e Liverpulit, Daniel Ager (23-vjeç) do të mungojë në pjesën e mbetur të edicionit për shkak të lëndimit në shputën e këmbës.
Zbulimi i vitit të kaluar i Benitezit ndeshjen e fundit për Liverpulin e ka luajtur në shtatorin e vitit të kaluar, kur pësoi lëndimin e shputës në ndeshjen kundër Porsmuthit. Ai në shkurt të këtij viti u paraqit për skuadrën rezervë të Liverpulit, por sërish iu lajmëruan dhimbjet në shputë, prandaj do të jetë i detyruar t’i nënshtrohet operimit kirurgjik. “Për fat të mirë vendi i tij është mbuluar nga Martin Shkertel, i cili po luan mjaft mirë. Është dëm i madh që Danieli mungojë në pjesën më të madhe të edicionit, por besoj se në edicionin e ardhshëm do t’i kemi shërbimet e tij në dispozicion dhe ai do të kontribuojë për sukseset e skuadrës”, ka theksuar trajneri i Liverpulit, Rafael Benitez.