Erikson-futbollistëve: Harrojeni Europën!

Trajneri i Mançester Sitit, Sven Goran Erikson, nuk është aspak i kënaqur me gjendjen e skuadrës së tij, sidomos pas humbjes 2 0 nga Ridingu ditën e shtunë. Golat e Long dhe Kitsonit i dhanë fitoren Ridingut, edhe pse luante në transfertë. Pas këtij rezultati, Mançester Siti tashmë është 10 pikë prapa zone në UEFA s për sezonin e ardhshëm. Për momentin, Erikson nuk është duke menduar për zonën e kupave të Europës. Ai ka deklaruar se po punon shumë për ta rikthyer Mançester Sitin në nivelet e duhura. "Nëse nuk arrijmë të gjejmë formën që kishim, atëherë nuk ka mundësi se si të mendojmë për t'u kualifikuar për në kupat e Europës për vitin e ardhshëm. Por deri sa matematika na e lejon, ne do të vazhdojmë të shpresojmë tek objektivi ynë. Nuk besoj se djemtë nuk po punojnë, pasi si rrjedhojë e saj kanë ardhur këto rezultate, por duhet të kemi besim dhe të përqendrohemi te puna që bëjmë. Duhet të përballemi me fatin e keq dhe me shortin e keq të ndeshjeve që kemi në këto momente," ka përfunduar Erikson.