Super-Frei, “gjigantët” nisin ankandin

Super-Frei, “gjigantët” nisin ankandin
Super?Frei apo Supermen: si të doni. Imazhi i Fiorentinës që shkoi në çerekfinalet e Kupës UEFA, dhe imazhi fantastik i fluturimeve të portierit gjigant francez, 28?vjeçar: i zbuluar nga Interi që në vitin 1998, me pak raste për të shprehur vlerat; i lëshuar te Parma në 2001?n për t’i bërë vend Toldos, ai shpërtheu në “Tardini” nën urdhërat e Prandelit, duke u bërë një fenomen botëror. Nëse Firence ëndërron, për të tashmen dhe për të ardhmen, kjo vjen edhe falë këtij portieri që të thjeshton jetën dhe ndeshjet. Dhe që e jeton aventurën e tij duke ndjekur një tërheqje fatale: të ëndrojë në Firence, të fitojë me bluzën vjollcë. Por kjo ëndërr nuk duket më kaq e realizueshme, sepse tashmë ofertat e klubeve gjigante të Europës bëhen gjithnjë e më të parefuzueshme. Dhe në këtë pikë hapet një ankand i vërtetë mes Milanit dhe Mançester Junaitedit për shërbimet e portierit francez. Në këtë pikë shigjeta e peshores do të anojë shumë nga dëshira e portierit, Fiorentinës dhe presionit të pfertave. Milani mes krizës së Didës dhe moshës së Kalacit ka nevojë për një garanci, ndaj i ofron Freit një kontratë 5?vjeçare me 4 milionë euro në sezon. Ndërsa Mançesteri i ofron 5 milionë euro në sezon. Ndërsa Fiorentina nuk shkon dot kaq lart, por ka favorin e zemrës së portierit. Por a do të mjaftojë kjo për t’i bërë ballë ofertave të majme të vijnë nga “Djajtë” e Europës?