Manço e “dredh”: Gabova! Morati e mbron:

Roberto Mançini bën “prapakthim” dhe këtë e deklaron në intervistën e tij të mbrëmshme për “Sky”, ku gjatë një emisioni sportiv, trajneri i Interit ka ndërhyrë, duke sqaruar vendimin e tij të dhënë pas eliminimit nga Champions League: “Nëse do të kthehesha prapa, nuk do ta bëja kurrë atë deklaratë, sepse nuk është ajo që mendoj, pasi Interi është gjithçka për mua. Mendoj se është zgjidhja më e mirë nëse qëndroj këtu. Tekniku i kampionëve të Italisë shpjegoi arsyet se pse zbuloi “lamtumirën” e tij në fund të sezoniot: “Nuk ishte një vendim i paramenduar, absolutisht jo. Humbja me Liverpulin na rëndoi shumë dhe ishte një hidhërim më shumë. Tani që jam më i kthjellët, nuk do të veproja ashtu”. Pra, Roberto Mançini duket se ka ndryshuar mendim dhe është tërhequr disi nga komentet e bëra pas eliminimit nga Champions League kundër Liverpulit. “Askush përveç presidentit Masimo Morati, të gjithë tifozëve të interit dhe të gjithë skuadrës sonë nuk mund të kuptojë se si mund të ndihesh pasi nuk ka arritur dot një objektiv kaq të rëndësishëm siç ishte Champions për ne. Shpresoj që të gjithë ata që jetojnë me futbollin të kuptojnë shfryrjen dhe mërzitjen në çaste kaq delikate. Një trajner është gjithmonë pika ereferimit e një grupi, por ai grup ushqehet me emocionet më të thella. Pas ndeshjes foli zemra dhe dashuria e Roberto Mançini trajnerit. E falenderoj presidentin Masimo Morati për mbështetjen që më dha, përfshi edhe faktin që diti të më kuptonte. Më vjen keq për gabimet dhe keqkuptimet që mund të kenë lindur. Skuadra e di tashmë: jemi gati të luftojmë deri në minutën e fundit, me forcë të madhe, për të fituar titullin e tretë dhe do të provojmë të fitojmë në Champions sezonin e ardhshëm”.

“Tani trajneri duhet të flasë me lojtarët dhe t’i shpjegojë se asgjë nuk ka ndodhur, por ajo deklaratë e tij ishte thjesht një veprim i nxituar”. Masimo Morati pret që Roberto Mançini të rivendosë në rregull gjërat dhe të ribashkojë disa “copëza” të ndara pas eliminimit në Champions, ndaj Liverpulit. Mbetet një titull për t’u mbrojtur, sepse Roma është gjashtë pikë prapa, dhe një Kupë Italie për t’u nderuar. Lajmërimi i “lamtumirës”, në fuind të sezonit nga ana e trajnerit të Interit, më pas sqarimi dhe “prapkthimi” pas një bisede, rrezikojnë që të destabilizojnë shumë ambjentin, që po vuan edhe për një objektiv të “djegur”, siç ishte Europa. “Varet vetëm nga mentaliteti i skuadrës dhe trajnerit që të rivendosë gjërat në vend, në mënyrën e duhur”, tha Morati për “Rai Sport”. “Eshtë destabilizuese nëse e duan, ndryshe jo”. Pra, asnjë justifikim për asnjë. Aq më shumë për Mançinin, deklarata e të cilit nuk i pëlqeu aspak presidentit zikaltër: “Ishte një reagim i nxituar i trajnerit, pas humbjes, një mënyrë e gabuar për t’u shfryrë dhe për të thënë gjëra që nuk i mendonte. Natyrisht, pasi kemi biseduar, mi ka thënë gjërat në sy dhe më ka thënë se kishte folur në një moment dëshpërimi dhe hidhërimi, pas eliminimit, sepse arritjen të gjithë e besonim. Natyrisht, tani kemi kampionatin dhe Kupën e Italisë, pra nuk mund të jetë një sezon i dështuar, nëse arrijmë që të triumfojmë në të dy kompeticionet. Pra, duhet të bëjmë çmos për të luftuar në këtë që kampionat, sepse distanca me Romën nuk është shumë e madhe dhe nuk na lejon që të qëndrojmë të qetë”.

Ja të gjitha prapaskenat e “përçarjes”

Vetëm 24 orë pas deklaratave bombastike dhe befasuese për të gjithë, Roberto Mançini ka bërë hapa pas dhe ka konfirmuar se do të qëndrojë tek Interi, pas një takimi me presidentin Morati. Por çfarë fshihej pas shhfryrjes së teknikut zikaltër përveç inatit dhe zemërimit për eliminimin e radhës në Champions, këtë herë ndaj Liverpulit? Ja të gjitha prapaskenat që e shtynë të thoshte lamtumirë.

1) Prishja me mjekun ? Mançini dhe doktor kombi nuk shkojnë aspak mirë bashkë, trajneri e kritikon praktikisht në çdo konferencë për shtyp.

2) Ngricë me Brankën ? Mes trajnerit dhe drejtorit teknik nuk ekziston as mirëkuptimi minimal.

3) Gjëra për të përmirësuar ? Morati ka deklaruar se Mançini duhet të lëmojë disa cepa të karakterit të tij dhe teknikut kjo gjë nuk i ka pëlqyer aspak.

4) Përplasja mbi Figon ? Mançini nuk e konsideron më lojtarin e dikurshëm, ndërsa Morati ka thënë se dëshiron ta konfirmojë edhe vitin tjetër.

5) Puna e Adrianos ? Pas largimit të Adrianos, Morati i ka thënë se e pret sërish tek Interi.

6) Takimi me Kapelon ? Morati ka pranuar se ka menduar për Kapelon, armik i betuar i Mançinit.

7) Murinjo për të ardhmen ? Tekniku zikaltër ësht?_?_tur edhe më pak për fjalët e mira që Morati ka thënë ditët e fundit për Murinjon.

100?vjetori ? Mançinit nuk i ka pëlqyer ideja për të festuar në prag të sfidës me Liverpulin

9) Organizimi i festës ? Kur skuadra u rifut në fushën e “San Siro”?s për të mbyllur mbëmjen e festës, Mançini nuk është thërritur.

Skuadra e ndarë ? Pas eliminimit nga Champions dhe deklaratave të tij, në dhomat e zhveshjes ekuilibri është prishur. Grupi është ndarë, ja si:

Kundër Mançinit

Vieira, Figo, Krespo, Materaci, Adriano, Manike, Solari

Pro Mançinit

Stankoviç, Sezar, Himenez, Zhulio Sezar, Kivu, Rivas, Dakur

Asnjanës

Kambiaso, Zaneti, Kruz, Ibrahimoviç, Toldo, Kordoba, Samuel, Burdiso, Suazo, Maksuell, Maikon