Barça ka një dëshirë: Vetëm Liverpulin jo!

Liverpuli është rivali më i frikshëm për ish?trajnerët dhe lojtarët e Barcelonës, Reksah, Migueli, Karrasko, Salinas apo Ferrer për fazën çerekfinale të Champions League. Shorti do të hidhet sot në Zvicër dhe do të jetë tërësisht i lirë, prandaj Barça ka shanse të njëjta për të sfiduar secilën prej shtatë skuadrave të tjera të mbetura në garë. Pavarësisht emrave të tjerë të mëdhenj dhe prezencës së katër gjigantëve anglezë, në Barcelonë ndiejnë një respekt të veçantë për virtytet e skuadrës së Rafa Benitezit, e cila është duke shijuar momentin e saj më të mirë të sezonit, ashtu si dy futbollistët e saj kryesorë, Xherard e Torres. Ishin pikërisht “të kuqtë” ata që i dhanë fund aventurës së vjetshme të Barcelonës në Champions League në raundin e dytë, pasi fituan 2?1 në “Camp Nou” dhe humbën 1?0 në “Anfield”. Në tre pjesëmarrjet e fundit në Champions League, Liverpuli ka luajtur në dy finale, duke fituar një prej tyre. Skuadra e Rafa Benitezit ka fituar një reputacion të frikshëm në Europë, ku niveli i saj është gjithmonë një “version i përmirësuar” i Liverpulit të Premier League. Barcelona ka humbur pothuajse gjithmonë në përballjet që ka patur me Liverpulin dhe nëse një vit më parë kur shorti i vendosi përallë të dyja skuarat disa prej lojtarëve të Barçës kënduan disa këngë të “The Beatles” (Bitëlls), grupit të famshëm nga Liverpuli, do të jetë vështirë që ata të përsërisin diçka të tillë nëse shorti do t’i vendosë përsëri përballë.

Arsenal, Mançester dhe Çelsi

Barcelona dhe të gjithë kanë të qartë që anglezët janë shndërruar në skuadrat më të frikshme në kontinent. Gjysma e konkurrentëve të mbetur vijnë prej ishullit. Nëse shorti nuk do të vendosë përballë Liverpulin, atëherë ai përsëri mund t’i vendosë katalanasve një sfidë shumë të ndërlikuar ndaj rivalëve të Premier League. Arsenali, Junaitedi dhe Çelsi, tre të parët në kampionatin anglez vazhdojnë të jenë në garë. Pa dyshim, pas Liverpulit, skuadrat e tjera angleze pasojnë në listën e rivalëve të padëshiruar. “Të kuqtë” fituan ndaj Interit në “San Siro”, por diçka të tillë bëri edhe Arsenali i Vengerit ndaj Milanit, duke nxjerrë prej kompeticionit kampionët në fuqi të tij. Me Çelsin ekziston një rivalitet i hapur, ndërsa Mançesteri është i frikshëm për lojën që po shfaq dhe Kristiano Ronaldon në formën më të mirë.

Roma, Fenerbahçe dhe Shalke

Roma, pas eliminimit të Real Madridit meriton një vlerësim të madh prej trajnerëve dhe futbollistëve katalanas, por të gjithë janë dakord që italianët janë një kundërshtar më i kalueshëm se sa katër rivalët anglezë. Pa dyshim, Shalke dhe Fenerbahçe kosndierohen si rivalët më të kalueshëm prej katalanasve.

O BARCELONA nuk frikohet nga asnje skuader ne bote dhe eshte kampion !!!!!!!!!!

po mujke mi ra me manchesterin nese fiton barcelona prej shalkes mancha prej romes

BARCELONA pe pret veq ata neta kalojne romen

edhe na e presum Barchen po Mancha eshte baba i futbollit mos e harro

BARCHA jan mbreterit e futbollit

Mbreter jane Anglezet mos harro se ata e kan kriju qat topin qe po lun barcelona