Kasijas: Do të ndryshoja vendin me Barçën

Portieri i Realit të Madridit, Iker Kasijas, mendon se skuadra e tij do ta ketë më të lehtë të rivalizojë për titullin kampion, sepse kampionati është kompeticioni i vetëm ku skuadra madrilene lufton tashmë, ndryshe nga Barcelona e cila lufton në tre kompeticione, edhe pse në kampionat ndodhet tetë pikë prapa skuadrës madrilene. “Shpresojmë që kjo gjë të ndikojë te Barcelona, pasi mendoj se ne do ta kemi më të lehtë. Ky është mendimi im, megjithatë Barcelona është një skuadër e madhe dhe i ka të gjitha shanset për të fituar gjithçka. Po të ishte për mua, do të ndryshoja vendim tim me Barcelonën në kampionat, pasi ata luftojnë në tre kompeticione, ndërsa ne vetëm në një”. Për sa i përket çështjes së titullit kampion dhe rivalitetit me Barcelonën, portieri madrilen tha: “Kur ishim nëntë pikë përpara, Barcelona u afrua në dy pikë. Situata e Barcelonës është njësoj si pozicioni ynë sezonin e kaluar. Ashtu si ne përmbysëm gjithçka, kjo mund të përsëritet edhe këtë sezon. Duhet të tregohemi shumë të kujdesshëm dhe të mos gabojmë në ndeshjet e mbetura, të cilat do të jenë shumë

deçizive për ne. Jemi tetë pikë përpara dhe do të përpiqemi të mbajmë këtë distancë. Jam i bindur që mund t’ia dalim mbanë, edhe pse nuk duhet të lëshojmë terren. Gjithçka varet nga ne dhe forca që do të tregojmë deri në fund të kampionatit. Kundrejt Barcelonës ne kemi edhe një avantazh tjetër, e cila konsiston në faktin se neve na duhet një javë për të përgatitur ndeshjen, ndërsa ata e kanë shumë të vështirë pasi duhet të luajnë në kampionat, Champions League dhe Kupën e Mbretit.