Platini: Spanjën e dua në Europian, por vendos FIFA!

Presidenti i UEFA?s, Mishel Platini, tha dje se kishte besim që Spanja do të luante në Euro 2008, por në fund do të ishte FIFA ajo që do të vendosë për të zgjidhur problemet mes federatës dhe qeverisë spanjolle, që e ka sjellë situatën deri në këtë pikë. Presidenti i FIFA?s, Sep Blater, paralajmëroi Spanjën muajin e kaluar se përpjekja e qeverisë për të detyruar Federatës Spanjolle të Futbollit që të zhvillonte zgjedhje të parakohëshme këtë vit binte në kundërshtim me lirinë e sportit nga ndërhyrja e qeverisë. Ndëshkimi për ndërhyrje të tilla mund të jetë përjashtimi i Spanjës nga FIFA dhe si rrjedhojë përjashtimi nga aktivitetet sportive përfshi këtu edhe në Euro 2008. Gjithashtu edhe klubet spanjolle do të përjashtoheshin nga Champions League dhe Kupa UEFA. “Mund të japë dy përgjigje të ndryshme për këtë çështje”, tha Platini në konferencë për shtyp. “Pikë së pari ky është problem i FIFA?s, jo i UEFA?s. Ka të bëjë me statutin e FIFA?s. FIFA duhet të marrë një vendim për këtë çështje dhe kjo do të diskutohet në takimin e ardhshëm të komitetit ekzekutiv në Zyrih. Por gjithashtu mund të them se është gjë shumë e mirë që kemi Spanjën në Europian, një vend i madh futbolli, dhe jam i bindur që Spanja do të luajë në Euro 2008 dhe gjithçka do të rregullohet”. “. Qeveria Spanjolle, përmes Këshillit për Sportin, u ka kërkuar të gjitha federatave sportive që nuk marrin pjesë në Lojërat Olimpike në gusht të vitit 2008, që të zhvillojnë zgjedhjet presidenciale. Këtë muaj, federata spanjolle dhe presidenti i saj, Angel Maria Vijar, nuk e pranuan urdhërin e qeverisë pas asamblesë së përgjithshme dhe vendosën që t’i kryenin zgjedhjet më 26 nëntor.