Klubet me fanellë të kuqe fitojnë më shumë!

Sipas një studimi të dhënë të mërkurën ekipet që kanë fanellë me ngjyrë të kuqe janë më të sukseshëm se ekipet që kanë ngjyra të tjera. Fakti që Mançester Junaited, Liverpuli dhe Arsenali janë në krye të klasifikimit në Angli gjithmonë nuk është një rastësi. Fanella e kuqe i jep ekipit një avantazh. Sipas studiusve të Universitetit të Plejmuthit “në natyrë, e kuqja shoqërohet me agresivitetin dhe paraqitjen e keqe. Eshtë një testosteron i cili i jep sinjal të kualitetit të keq, këto gjëra janë vënë re edhe tek ushtarët më parë”, thanë studiuesit, duke iu referuar Luftës së Dytë Botërore. Ata përqendrohen më shumë në shtëpi sepse është aty ku ata veshin më shpesh fanellat e tyre. Çuditërisht, ngjyra dhe suksesi funksionojnë më shumë kur ekipet luajnë në shtëpitë e tyre. “Rezultatet janë të mahnitshme”, tha ata, duke cituar ndryshimet midis të ngjyrës së kuqe, të bardhë, blu, të verdhë dhe portokalli. Ekipet e kuqe fitojnë më shumë, ndërsa ekipet që kanë fanella te verdha apo portokalli kanë rekordet më të këqija. Profesor Robert Barton, tha se mund të ketë dy arsye: “E para është që tifozët tërhiqen më shumë nga ekipet me të kuqe në mënyrë të pavullnetshme. E dyta është që mund të ketë një efekt pozitiv nga ana psikologjike. Të luash kndër një ekipi i cili luan me të kuqe mund të shkaktojë në paraqitje të dobët”, tha ai. Ardhja e parave të huaja në futboll gjatë viteve të fundit mund të këtë ndikuar dhe kjo ka qënë një gjë që studiuesit e kanë parë. “Eshtë e vërtetë që fluksi i madh i pronarëve të huaj kanë ngatërruar pas rrugën e kësaj ecurie, dhe i kanë dhënë ekipeve të tyre sukses sidoqoftë ngjyra e fanellës. Por në ndeshjet kur ekipet janë të një niveli parashikohet që të fitojë ekipi me ngjyrë të kuqe”. Rezultatet kishin pëprfunduar përpara raundit të fundit të Champions League, ku u kualifikuan tre ekipet angleze me fanellë të kuqe, Mançester Junaited, Arsenali dhe Liverpuli.