Edhe një ditë kohë nga FIFA

Në 14 mars Komiteti i Përgjithshëm Ekzekutiv i FIFA?s ka anonçuar që do të marrë në shqyrtim dy çështje të rëndësishme në lidhje me ndërhyrjet në shtet që ekzistojnë në federatat anëtare të saj, Spanjë dhe Shqipëri. Megjithëse me dy problemtika krejt të ndryshme nga njëra?tjetra, Shqipëria dhe Spanja në thelb janë njësoj të rrezikuara, përfaqësueset respektive dhe klubet përkatëse pezullohen nga aktivitetet ndërkombëtare.

Sa për Shqipërinë, FIFA dhe UEFA deri tani kanë sjellë një sërë paraljmërimesh të rëndësishsme kundrejt shtetit shqiptar, megjithatë kjo e fundit deri tani nuk ka bërë asnjë hap përpara në lidhje me situatën.

FIFA dhe UEFA kërkojnë nga MTKRS të distancohet nga të gjitha akuzat për trukim ndeshjesh të përfaqëuseses, pa pasur asnjë fakt në dorë, të heqin dorë nga auditi që kërkon të bëjë në FSHF dhe gjithashtu të nënshkruajë ndryshimet në Statut.

FIFA dhe UEFA ka përcaktuar qartë që në 14 mars do të vendosë fatin e Shqipërisë dhe, nëse shteti nuk heq dorë nga këto pretendime, atëherë do ta pezullojë përfaqësuesen kuqezi.

Krerët e FSHF?së në daljet e pakta në publik në lidhje me këtë çështje nuk e kanë vënë asnjëherë në dyshim vullentin e shtetit për t’i riparuar problemet, megjithatë heshtja e këtyre të fundit vetëm një ditë përpara masës të lë të dyshosh.

Ka një hamendësim që shteti ndërkohë mund ta ketë bërë lëvizjen e tij prapakthehu por nëse për momentin kjo gjë nuk është zyrtare atëherë të gjithë mendojnë se Shqipëria mund të shkojë drejt përjashtimit.