Hicfild: Nuk do ta përdorë më rotacionin e futbollistëve

[tr][td class=lajmikryesor_intro] Trajneri i Bajernit të Munihut, Otmar Hicfild, pas dy humbjeve radhazi të skuadrës së tij ka pohuar se do t’i jap fund politikës së rotacionit të futbollistëve. [/td][/tr][tr][td]Bajerni në mesjavën e kaluar pësoi humbje në Munih ndaj Anderlehtit 2:1 në kuadër të 1/8 së finales së Kupës UEFA, kurse në fundjavë zhgënjeu tifozët në duel me skuadrën e parafundit në renditje, Enerxhi Kotbus, duke pësuar humbje 2:0. Edhe pse klubi bavarez ka kaluar në çerekfinale të Kupës UEFA dhe ende ka pesë pikë epërsi ndaj skuadrës së dytë në renditjen e Bundesligës, trajneri Otmar Hicfild ka vendosur që disa gjëra t’i ndryshojë. “Disa lojtarë menduan se rruga deri te titulli i kampioni në Bundesligë do të jetë një shëtitje e lehtë. Nuk do ta përdor më aq shumë rotacionin e futbollistëve, por do të luajnë vetëm ata lojtarë që çdo herë do të dëshmojnë se janë më të gatshmit dhe që e meritojnë. Kemi marrë një leksion të mirë dhe duhet të nxjerrim mësim nga këto dy humbje”, ka thënë Hicfild.[/td][/tr]