Milani dëshiron Luka Tonin

[tr][td class=lajmikryesor_intro] Sipas gazetës italiane "La Republica", Milani është duke përgatitur bisedimet me Bajernin e Munihut, në mënyrë që në fund të këtij edicioni në radhët e veta të sjell sulmuesin 30-vjeçar, Luka Toni. Në fakt, krahas Didie Drogbës, si përforcim kryesor në sulm drejtuesit e Milanit e shohin edhe Luka Tonin. [/td][/tr][tr][td]Sulmuesi italian kaloi te Bajerni verën e kaluar nga Fiorentina dhe në edicionin e tij të parë me skuadrën gjermane realizoi 14 gola dhe momentalisht është golashënuesi i dytë në Bundesligë. Milani është i gatshëm të ofrojë 10 milionë euro për shërbimet e Luka Tonit, kurse realizimi i këtij transferi mund të bëhet më i lehtë duke pasur parasysh marrëdhëniet shumë të mira të zëvendëspresidentit të Milanit, Adriano Galiani dhe presidentit të Komitetit Ekzekutiv të Bajernit, Karl Hainc Rumenige. Megjithatë përcaktues për transferimin e Tonit në "San Siro" mund të jetë pjesëmarrja e Milanit në Ligën e Kampionëve në edicionin e ardhshëm, duke pasur parasysh se sulmuesi italian asnjëherë gjatë karrierës nuk ka marrë pjesë në këtë garë. Milani momentalisht është në pozitën e pestë në Serie A, me katër pikë më pak se Fiorentina, që e katërta në renditje, pozitë kjo e cila siguron pjesëmarrjen në Ligën e Kampionëve. Në rast se Milani nuk do të arrijë ta sigurojë pjesëmarrjen në garën elite, vështirë se Toni do të vendos të lëviz nga Bajerni, ngase skuadra gjermane thuajse tashmë e ka siguruar pjesëmarrjen në Ligën e Kampionëve.[/td][/tr]