Zidan: Besoj se Ronaldo do të kthehet në fushën e gjelbër

[tr][td class=lajmikryesor_intro] Ish-kapiteni i kombëtares së Francës, Zinedin Zidan, ka thënë se beson që miku i tij, braziliani Ronaldo do të shërohet me kohë nga lëndimi dhe do ta vazhdojë karrierën si futbollist. [/td][/tr][tr][td]Zidan, njëri nga futbollistët më të mirë të botës në 20 vitet e fundit, u ka thënë gazetarëve në Sao Paolo se ish-bashkëlojtari i tij nga Real Madridi është në gjendje ta përballojë lëndimin e gjurit, ndonëse vetë Ronaldo kohë më parë ka thënë se mund të mos kthehet më në fushën e gjelbër pas këtij lëndimi. “Ronaldo që në vitin 2002 ka dëshmuar se mund t’i përballojë situatat shumë të rënda. Atëherë ai u shërua nga lëndimi i gjurit tjetër dhe arriti formën kulmore në Kampionatin botëror në Japoni dhe Korenë e Jugut, duke u shpallur golashënuesi më i mirë. Për këtë arsye e quajnë ‘Fenomen’”, ka theksuar Zidan.[/td][/tr]