VICENZO IAQUINTA IA SIGUROI FITOREN JUVENTUSIT KUNDËR NAPOLIT

Juventus e ka mposhtur me mjaft vështirësi Napolin në ndeshjen e fundit të xhiros së 28-të të zhvilluar mbrëmë në Comunale. Në mungesë të mbrojtësve Legrotalie-Zebina dhe mesfushorit Camoranesi për shkak të kartonëve, bjankonerët patën mjaft vështirësi kundër Napolit, e cila drejt Torinos kishte udhëtuar pa ish-sulmuesin e Juves Marcelo Zalayetan, që sipas mediave në Apenine edicioni për të ka përfunduar për shkak të lëndimit të gjurit në ndeshjes kundër Romës. Juve përkundër rasteve më të mira fitoren e siguroi në minutën e 88-të dhe atë me anë të zëvendësuesit Vicenzo Iaquintas, i cili pasi mirë e pranoi këtë asistim nga Del Piero, me mjeshtri e mposhti deri atë kohë portierin shumë të sigurt Mtteo Gianello. Kjo ishte fitore shumë e rëndësishme për Juventusin para dy sfidave të rëndësishme që do t’i zhvillojë në udhëtim fillimisht të mërkurën i shkon Empolit derisa të shtunën Interit, në ndeshjen derbi të xhiros së 30-të.