XHIRO E 28-të LA LIGA SPANJOLLE: REALI PËSOI DISFATË NGA DEPORTIVO LA CORUNA NË RIZAOR, BARCELONA BA

Java e 28-të në La Ligan spanjolle solli edhe incidentin e parë, dhe atë në takimin e zhvilluar të shtunën në mbrëmje në stadiumin Manuel Ruiz de Lopera në mes të Betisit dhe Ath. Bilbaos. Në fakt, gjithçka shkoi mirë deri në minutën e 72-të, kur pranë rezultatit 1:2 për Bilbaon një tifoz i Betisit e goditi me shishe të plastikës në kokë portierin bask, Armandon, i cili u alivanos derisa me urdhër të vetë kryesisë së klubit të Betisit gjyqtari kryesor i ndeshjes, Carlos Gomez, i dha fund ndeshjes. Armando nga kjo goditje pësoi lëndim të rëndë në arkadë dhe u desh me lese të bartet për në spitalin qendror të Sevillës, ku edhe u hospitalizua. Një fakt tjetër interesant nga ky takim është se vetë tifozët e Betisit e kanë identifikuar keqbërësin, i cili është arrestuar nga policia dhe të cilit kryesia e klubit të Betisit ia ka ndalë hyrjen në këtë stadium përjetë, ndërsa që Betisi është dënuar nga Federata spanjolle e futbollit me tri ndeshje pa shikues. Ky nuk është rasti i parë që ndodh në stadiumin Manuel Ruzi de Lopera, pasi vitin e kaluar në kuadër të derbit lokal në mes të Betisit dhe Sevillës pranë rezultatit 0:1 për Sevillën trajneri i Sevillës atë kohë Juande Ramos, ishte goditur me shishe në kokë dhe i alivanosur ishte bartur drejt spitalit ku i ishte dhënën ndihma e parë. Sa i përket vetë takimit ai ishte i tensionuar që nga fillimi, ndërsa të parët avancuan baskët me anë të këtij goli të shënuar nga mesfushori Fernando Yeste në minutën e tetë. Në pushim skuadrat shkuan me rezultat të barabartë falë golit të barazimit të realizuar nga sulmuesi kilian Mark Gonzalles, i cili në fillim të këtij kampionati përforcoi radhët e Betsisit nga Liverpool. Mysafirët nga Bilbao në minutën e 65-të e rikthyen epërsinë, pasi nga pika e penalltisë i sigurt u tregua David Lopez, por ndeshja nuk përfundoi pasi shikuesit e Betisit të indinjuar me vendimin e gjyqtarit filluan të gjuajnë me gjësende të forta në stadium, ku më së keqi pësoi portieri i Bilbaso, Armando. Ndeshja Betis-Bilbao do të vazhdojë zhvillimin e saj prej minutës së 67-të. Fituesi do të përcaktohet në stadiumin Colesoum të Getafes, me dyer të mbyllura, ndërsa data do të caktohet ditët e ardhshme. Derisa në Andaluzi ndeshja nuk përfundoi në La Coruna, Deportivo e mposhti kamponin dhe liderin aktual Real Madridin me rezultat 1:0 duke ia vështirësuar punët madrilienëve për mbrojtjen e titullit. Galixianët dëshmuan se janë duke kaluar një formë të mirë pasi nuk dinë për humbje në katër takimet e fundit duke e shënuar fitoren e tretë radhazi. Fitoren e vendosi autogoli i mbrojtësit brazilian me nënshtetësi portugeze, Pepe, i cili në minutën e 55-të shënoi autogol. Një statistikë interesante është se Reali në 17-të vjetët e fundit nuk di për fitore kundër Deportivos, në stadiumin Rizaor. Por këtë disfatë të Realit nuk e shfrytëzoi në maksimum rivali i përjetshëm, Barcelona, e cila nga udhëtimi bërë skuadrës mesdhetare Alermia u kthye vetëm me një pikë të fituar pas barazimit 2:2. Barça, e cila në këtë ndeshje u paraqit pa Messin e lënduar dhe pa Ronaldinhon Touren-Zambrottan-Dos Santosin-Decon dhe Marquezin të gjithë këta të pushuar për ndeshjen e kthimit gjysmë final në kuadër të kupës së Spanjës avancoi në minutën e 17-të me anë të talentit të ri Bojan Krkiç. Por ndërprerjet u treguan si pika më e dobët e katalunasve në këtë takim pasi pësuan dy herë pikërisht dy gola nga pozita të tillë fillimisht rezultatin në 1:1 me barazoi Ruben Pulido. Pas barazimit Almeria, e cila në shtëpi tri javë më parë e kishte mposhtur Real Madridin pati edhe disa raste të mira shënimi, por në pushim shkuan me rezultat të barabartë. Ndërsa në pjesën e dytë faktikisht në rastin e parë Barcelona arriti ta rikthej epërsinë në favor të saj pasi asistimin Henrys nuk e la pa e shfrytëzuar Samuel Eto’o. Por gjërat për Barçën u vështirësuan nga minuta e 72-të kur mbrojtësi argjentinas Gabriel Milito, u ndëshkua me kartonin e dytë të verdhë. Dhe epërsinë e një futbollisti më shumë në fushë futbollistët e Almerias e shfrytëzuan për ta barazuar rezultatin, kur në minutën e 85-të kromimin nga këndi më së miri e shfrytëzoi Kalu Uche që e vendosi rezultatin përfundimtar Alemria- Barcelona 2:2.



Ndërkohë Villarreali e ka përforcuar pozitën e tretë në tabelë, pas fitores që e shënoi kundër Real Zaragozas në El Madrigal, dhe tashmë gjendet vetëm duy pikë mbrapa Barcelonës.

Ishte sulmuesi turk Nihat Kahvegji ai që në minutën e 11-të e hapi serinë e golave, ndërsa rezultatin përfundimtar Villarreal 2 – Zaragoza 0 e vendosi sulmuesi italian Guissepe Rossi në minutën e 65-të kur shënoi nga penalltia.

Zaragoza e cila në fillim të kampionatit për qëllim e kishte një vend që siguron gara në Evropë, tashmë të gjitha forcat i ka përqëndruar për mbetje në La Liga ngase aktualisht mban pozitën e 16-të me pikë të njëjta me Vajadollidin dhe Recreativo Huelvan që po ashtu e rrezikojnë mbetjen në elitë.