Kanavaro: Një ditë do të kthehem në Itali, por jo tani!

Fabio Kanavaro deklaroi në një intervistë për revistën “NOX” se ka vetëm dy gjëra të qarta për të ardhmen, që do të vazhdojë të merret me futboll dhe që do të rikthehet në vendin e tij, Itali. “E ardhmja? Në të vërtetë e mendoj shumë rrallë”, deklaroi Kanavaro gjatë intervistës. “Ajo që di të them në këtë momenrt shtë që do të vazhdoj të jem i lidhur me futbollin, pasi kjo është gjëja që më pëlqen më shumë të bëj që prej kur isha fëmijë dhe është e sigurt që do të rikthehem në Itali, por për momentin është diçka të cilën nuk e marr në konsideratë”. Në moshën 34�vjeçare, napolitani Kanavaro e klasifikon veten si bnjë njeri me shumë fat. “LUaj futboll që prej moshës 8�vjeçare dhe i përkushtohem diçkaje që më pëlqen të bëj. A mund të ketë diçka më të mirë? Për më tepër, rutina e përditshme më lejon që të argëtohem me jetën time profesionale dhe të kem kohë për të shijuar atë personale”.

Eshtë e lehtë të jetosh në Spanjë

Gjatë intervistës mbrojtësi madrilen pranoi që stili i tij i lopjës ka ndryshuar shumë në krahasim me vitet e tij të para të karrierës. “Nuk e mendon shumë dhe koha kalon shumë shpejt. Eshtë e erëbndësishme të kesh fat me dëmtimet dhe të tregosh kujdes në dietën ushqimore. Për të qenë një futbollist i mirë është e domosdoshme dhe një formim i fortë mendor”. Në fund, Kanavaro lavdëroi stilin spanjoll të jetesës. “Për një italian është e thjeshtë të përshtatet me jetesën në Spanjë pasi zakonet janë mjaft të ngjashme. Dreka shërbehet në të njëjtën orë, nëpër rrugë ka shumë gjallëri dhe i jepet shumë rëndësi familjes e ushqimit. Më pëlqen të shëtis në Madrid, të zbuloj gjëra të reja, restorante me kuzhinë spanjolle apo aziatik. Eshtë një qytet shumë i bukur dhe tërheqës kur del me familjen apo miqtë e tu”.