Eto’o: “Të vdesim” në fushë!

Sulmuesi i Barcelonës, Samuel Eto’o, deklaroi përpara përballjes së Kupës të Mbretit me Valencian se skuadra e tij duhet të përgatitet për ndeshjen me respekt për kundërshtarët dhe vetëdije që do të duhet të “vdesë” në fushë për të siguruar kalimin në finale. Me Barçën që dëshiron të luftojë për të tre titujt deri në fund të kampionatit, kamerunasi theksoi se skuadra e tij nuk mund të tolerojë asnjë hap fals deri në fundin e sezonit. Në një intervistë të publikuar në faqen e Barcelonës në internet, Eto’o tha: “Ndeshja e “Mestalla”�s do të jetë një ndeshje shumë e rëndësishme për ecurinë e këtij sezoni. Në qoftë se fitojmë ndaj Valencias do të jemi shumë pranë realizimit të ëndrrës së fitimit të Kupës së Mbretit”. Eto’o deklaroi se e rëndësishme pas kësaj ndeshje do të jetë që skuadra e tij të mos ketë pishmane dhe që nëse eliminohet, kjo të ndodhë vetëm sepse Valencia do të jetë shumë më e mirë në fushë. “Jam i siguirt se nëse do të dimë të vuajmë, do të jetë shumë e vështirë që të mos kualifikohemi për në finale”, shtoi Eto’o.

Precedenti i fundit i Samuelit në “Mestalla” është shpresëdhënës për të. Afrikani realizoi dy gola në ndeshjen e fazës së parë, të cilën Barcelona e fitoi 3�0. Eto’o shpreson që të arrijë të shënojë përsëri, por mbi të gjitha që golat e tij t’i shërbejnë skuadrës për t’u kualifikuar. “Në “Mestalla” më ecën gjithmonë mirë, por kjo fushë ka qenë gjithmonë e vështirë për Barcelonën, prandaj do t’i shkëmbeja me shumë kënaqësi golat me kualifikimin. Në qoftë se shënoj dy gola dhe nuk kalojmë në finale, atëherë nuk do të shërbejë për asgjë seria ime pozitive në këtë stadium”. Samuel Eto’o luajti ndaj Almerias ndeshjen e tij të 100�të në kampionat me Barcelonën dhe festoi golin e 72�të. Vetëm Mariano Martin me 90 gola dhe mitiku Ladislao Kubala me 84 kanë arritur të realizojnë më shumë gola në 100 ndeshjet e tyre të para me gjigantët katalanas. Valadolidi është skuadra e vetme e “La Liga”�s që nuk ka pësuar ende një gol të firmosur prej Eto’osë, po kamerunasi do të ketë mundësinë ta bëjë diçka të tillë të dielën kur Valadolidi të vizitojë “Camp Nou”�n. “Shpresoj që të ndodhë kështu, por fillimisht lutem që Zoti të më ndihmojë të shënoj këtë të enjte ndaj Valencias. Ndaj Valadolidit do të shohim se çfarë do të ndodhë vetëm kur do të vijë momenti, por në këtë skuadër jemi të gjithë shumë të interesuar që t’i japim sa më shpejt fund fazës së rezultateve jo të mira të kohëve të fundit”.